بلوچستان تربت ءَ دگہ ورنایے ءِ جون دز کپتگ ۔ نوکیں وئیل چاہ سر ءِ دمگ ءَ بوتگ کہ اود اسرار طارق بلوچ نامیں ورنایے ءِ جون دست کپتگ۔
کھول ءِ رد ءَ اسرار ءَ را نزیک ءَ چار ماہ پیسر چہ چاہ سر ءِ یک ھوٹلے ءَ دزگیر کنگ بوتگ کہ ایشی ءَ پد آ بیگواہ بوتگ۔
کھول ءِ گشگ انت کہ ھما وھد ءَ آھاں ھچ وڑیں ھال ءُ اھوال دیگ نہ بوتگ ءُ نوں آئی ءِ لاش دزکپتگ۔
اے وئیل ھما وھد ءَ دیم ءَ اتکگ کہ یک روچے پیسر ماں تربت ءَ دگہ ورنایے ءِ جون دست کپتگ۔ پسنی روڈ ءِ سر ءَ بانک چڑھائی ءِ نزیک ءَ 17 سالی یاور حبیب ءِ لاش دزکپتگ بیتگ۔
بنشون ءِ رد ءَ یاور 16 جون 2025 ءَ بلوچستان ہائی کورٹ تربت شاخ ءَ چہ زمانت ءِ سر ءَ یل کنگ ءَ پد وتی لوگ ءَ روگ ءِ وھد ءَ آوار جنگ بوتگ۔ کھول ءَ گْوشتگ کہ آئی ءَ را سرکاری کمک ءِ سلاہ بندیں مردماں سینٹرل جیل ءِ دیم ءَ چست کتگ۔