بلوچستان ءِ دمگ منگچر ءَ گوستگیں شپ ءَ ناشناسیں سلاہ بندیں مردماں پاکستانی پوج یک اُرشے ءَ نشانگ کتگ-
بنداتی ھالانی رِد ءَ اُرش ءِ آسر ءَ پوج ءَ جانی تاوان چست کنگ کپتگ، بلے سرکاری نیمگ ءَ بیران ءُ ٹپی بیتگیں کارندھانی کچ شنگ نہ کتگ اَنت-
اُرش ءَ پد پاکستانی پوج ءِ مزنیں کچے ءَ پیشگامی بندات کتگ- اے میان ءَ پیشگامی کنوکیں پوج ءِ یک بکتر بند گاڑی یے ھم سلاہ بندیں مردماں راکٹاں چہ نشانگ کتگ، چریشی ءِ آسر ءَ گاڑی ءَ تاوان رس اِتگ-
گاڑی ءَ ساڑی کارندھانی جاورانی درگت ءَ گیشیں سرپدی دیم ءَ نیتکگ اُرش ءِ زمہ واری انگت ھچ گل ءَ نہ زرتگ-