ایران ءِ ھلاپ ءَ امریکہ ءُ اسرائیل ءِ جنگ توانائی ءِ بھران ءِ سبب جوڑ بوت کنت کہ 1970 ءِ دھک ءِ وڑ ءَ بوتگ ءُ 2022 ءَ روس ءِ یوکرین ءِ سر ءَ اُرش ءِ سان بوتگ۔
اے ھشدار چہ بین الاقوامی توانائی ءِ ادارہ ءِ کارمستر فاتح بیرول ءَ داتگ۔
آسٹریلیا ءِ بنجاھی شھر کینبرا ءَ اھوالکاراں گوں تران کنان ءَ بیرول ءَ گْوشتگ: مئے بازیں مردماں 1970 ءِ دھک ءَ دو رند ءَ تیل ءِ بھران یات کیت، ھر بھران ءِ وھد ءَ دگنیا ءَ روچے 5 ملین بیرل تیل ءِ تاوان بوتگ ءُ سرجمیں تاوان روچے 10 ملین بیرل بوتگ۔
آئی ءَ گْوشتگ کہ “انوگیں جاوراں دگنیا ءَ روچے 11 ملین بیرل تیل ءِ تاوان بوتگ۔” بزاں چہ پیسریگیں دوئیں بھرانانی یکجاھیں کساس ءَ گیش۔
فاتح بیرول ءِ گشگ ءِ رد ءَ اے بھران ءِ آسراں چہ ھچ ملک مھپوز نہ بیت پرچا کہ ایران ءِ نیمگ ءَ تنگہ ہرمز ءِ بند کنگ ءَ چہ تیل ءُ مادی قدرتی گیس ءِ جھان ءِ رسگ ءَ سک باز تاوان رسگ ءَ اِنت۔