بلوچ لبریشن آرمی ءِ ھکل چینل ءِ رد ءَ آپریشن ھیروپ ءَ ھواریں دگہ سَے نمیرانیں ھمرھانی اکس ءُ اھوال شنگ کتگ انت-
اولی ءِ پجار شھید یونس زھری پنام ءِ سارنگ ء عبدالقیوم زھری جھمنند کھن زھری ءِ نام ءَ کتگ – 30جون 2025 ءَ بی ایل اے ءَ ھوار بوتگ ءُ زھری ءُ کلات ءِ میدان ءَ بوتگ – آپریشن ھیروپ ٹو ءَ نوشکی ءَ شھید بیتگ-
یونس زھری ھما آشوبی ھلکاں سارنگ ءِ نام ءَ زانگ بیتگ کہ آ زھری ءِ کوھنیں کوھانی شپکیں تلار انت کہ اود ءَ گھگیری ءِ اُنڈال سکا جھلانک انت- 30 جون 2025 ءَ وھدیکہ سرجمی ءَ آئی ءَ بی ایل اے ءَ بھرمندی کتگ گڑا آئی ءِ گور ءَ نا ایوک ءَ توپکے بیتگ بلکیں یک پھتوئیں سیاسی زانشتی کردے بیتگ- آئی ءَ وتی ھاک ءَ زُلمانی جمبور ءِ گندگ ءَ دیستگ ءُ جنگی ھیل گپتگ ءُ رھبندانی پژدر ءَ زھری ءُ کلات ءِ ھترناکیں میداناں آئی ءَ تی پجار یک نہ ترسیں سپاھی ءِ رنگ ءَ کتگ-
سارنگ ھما ورنایاں ھوار بوتگ کہ بے تواری ءَ وتی راجی پّرز ءَ سرجم کنگ ءَ ستک داشتگ- وھدیکہ آپریشن ھیروپ ءِ توار چِست بیتگ- گڑا یونس زھری ءَ نوشکی ءِ میدان ءَ دشمن ءِ ھلاپ ءَ برشان بیتگ – نوشکی ءِ تپتگیں ھاک ءَ بیتگیں بیتگیں ترندیں جنگ ءُ چوپ ءَ دشمن ءِ بازیں کساساں بوگ ءَ ابید گڈی تیر ءُ گڈی ساہ ءَ داں دیمپان کنان ءَ ندر بیتگ –
دومی ءِ پجار ظفر نیچاری پنام ءِ مسلم ء علی نواز جھمنند گزگ، کلات ءِ نام ءَ کتگ- آئی ءَ 14 اپریل 2025 ءَ بی ایل اے ءَ ھوار بوتگ- آپریشن ھیروپ دومی بھر ءَ نوشکی ءَ شھید بیتگ-
کلات ءِ سنگلاخ ءِ کوہ ءُ گزگ ءِ گیرتمندیں سرڈگار ءَ سیادی داروکیں ظفر نیچاری پنام ءِ مسلم ھما بھادریں سرمچاراں ھوار بیتگ- کہ آیاں دشمن ءِ مشتگیں گلامی ءَ مرگ پہ وت کتگ- آئی ءُ کم اُمری ءَ زانشت ءِ منزل گچین کتگ ءُ 14 اپریل 2025 ءَ سرجم ءَ سلاہ بندیں راھے گچین کتگ – ظفر نیچاری ءِ برزیں کرد، جپاکشی ءُ گل ءِ راہ ءُ رھبندانی برکت ءَ زوت یک گچینی سرمچارے جوڑ بیتگ- آئی ءِ پھتوئیں ایمانداری ءَ راجی آجوئی ءِ منزل بس ءُ بس کربانی ءِ منت انت-
آپریشن ھیروپ ءِ دومی بھر ءَ وھدیکہ دشمن ءِ ھلاپ ءَ سرجمیں ترندیں جنگ بندات بیتگ- ظفر نیچاری نوشکی ءِ مھاز ءَ ھمک بنداتی لڑ ءَ ھسار بیتگ- نوشکی ءِ وشبوھیں ھاک ءَ زورگریں پوج ءِ ھلاپ ءَ بیتگیں ھونرچیں جنگ ءِ وھد ءَ آئی ءِ کمال بھادری ءَ دشمن ءِ دیمپان کنان ءَ ءُ زورگریں پوج ءَ را جانی ءُ مالی تاوان بیتگ انت -ھمے درچ ءَ آ بھادری ءَ جنگ کنان ءَ شھید بیتگ ءُ ھروھد ءَ گوستانک ءِ بلوچستان ءَ ندر بیتگ- آئی ءِ اے برشانیں کربانی ءَ بلوچ راجی زرمبشت ءِ آجوئی ءِ پیشانیگ ءِ پُل ءُ آیوکیں نسلانی واستا راھے پچ کتگ-
سیمی ءِ پجار شعیب شاہ پنام ءِ میرک ء محمد عمر شاہ جھمنند پیر شار زھری ءِ نام ءَ کتگ- آئی ءَ 16 اگست 2025 ءَ بی ایل اے ءَ بھر بیتگ- ءُ آئی ءَ ایس ٹی او ایس یونٹ ءِ بھر بیتگ- آ آپریشن ھیروپ ٹو ءَ نوشکی ءَ شھید بیتگ-
زھری ءِ راجدپتری ءُ گیرتداریں ھاک ءَ سیادی داروکیں شعیب شاہ پنام ءِ میرک ھما زانشتی کاروان ءِ مساپر بیتگ کہ آیاں تھاری ءِ ھلاس کنگ ءَ وتی ورنائی ءِ چراگ رژنا کتگ-
آئی ءَ وھدیکہ 16 اگست 2025 ءال بی ایل اے ءِ بیرک ءِ چیر ءَ سلاہ بندیں جھد ءِ سوگند وارتگ – آئی ءِ مول ءُ مراد تھنا جنگ نہ بیتگ بلکیں یک شرپداریں راجے ءِ بنھشت ءِ سرجمی بیتگ-
شعیب شاہ ءَ ناگاھو ءُ کلات ءِ ھترناکیں کوھاں دشمن ءِ ھلاپ ءَ بازیں جنگاں بھر زرتگ – آپریشن ھیروپ ٹو ءِ نوشکی ءِ پیسلہ داریں میدان ءَ اود ءَ زورگریں پوج ءِ ھلاپ ءَ زمین تنک کتگ- میرک ءَ ایس ٹی او ایس ءِ یک ماھریں جنگولے ءِ رنگ ءَ وت ءَ جوڑینتگ – اے ھونریچیں وھد ءَ دشمن ءَ وتی سرجمیں تاکت جتگ – بلے شعیب شاہ ءِ گاماں لرزش نیتکگ- آئی ءَ گڈی تیر ءَ داں ماتیں وتن ءِ پھازگ ءُ سابت کدمی ءِ ھما مسال برجاہ داشتگ کہ دنیا ءَ نشتگیں داں بلوچ سرمچارانی واستا مینار نور جوڑ بیتگ- آئی ءَ شھادت اے اھد ءِ درچ انت آجوئی ءَ بس ایوک ءَ ھونریچ ءَ ھم چکاسی انت-