سندھ ءِ شھر چہ کراچی ءَ بلوچستان ءِ دگہ دو مردم زورانسری بیگواہ کنگ بیتگ اَنت-
گیشیں ھالانی رِد ءَ عاصم ء اصغر ھمے سال ءِ شانزدہ مارچ ءِ شپ ءَ چہ کراچی ءَ رینجرز کارمنداں آوار جنگ ءَ پد بیگواہ کتگ –
کھول ءِ رِد ءَ عاصم کہ یک تاجرے ءُ پنوان (جیونی) ءِ جھمنندے کہ شانزدہ مارچ ءِ شپ ءَ کساس ساھت دوازدہ ءَ کراچیِ ءِ دمگ چہ شاہ علی شرافی گوٹھ ءَ رینجرز کارمنداں وتی ھمراھی ءَ برتگ-
اِھوالکار ءِ رِد ءَ آوار جنگ پد عاصم ءِ درگت ءَ ھچ وڑیں سرپدی دیگ نہ بیتگ، چریشی ءَ کھول سک تُرس ءِ تہ ءَ اِنت ءُ آئی ءِ زوت یل کنگ ءِ لوٹ کنگ ءَ اِنت-
ھمے وڑ شبیر بلوچ ء حاجی قادر بخش، جھمنند زھری ھُزدار گوستگیں شال ءَ سیزدہ نومبر ءَ کراچی ءِ نرسنگ ھاسٹل ءَ پاکستانی پوج ءَ آوار جنگ ءَ پد بیگواہ کتگ-
کھول ءَ دوئیں مردمانی زوت یل کنگ ءِ لوٹ کتگ-