پاکستانی لشکر ءِ کاروان ءِ سر ءَ اُرش کنگ بوتگ۔
بلوچستان ءِ دمگ دکی ءَ ھالانی رد ءَ پاکستانی لشکر ءِ کاروان ءِ سواریں گاڑی ءِ سر ءَ سڑک ءِ کش ءَ ایریں ریموٹ کنٹرول بمبے ءِ نشانگ جوڑ کنگ بوتگ کہ ایشی ءِ تہ ءَ تاں انوگ ءَ پنچ کارندہ بیران ءُ دگہ ٹپیگ بوتگ اَنت۔
ھالانی رد ءَ پاکستانی فورسز ءِ گاڑی ھما وھد ءَ اُرش ءِ نشانگ جوڑ کنگ بوتگ کہ آ آپریشن ءَ چہ واتر بوگ ءَ بوتگ انت۔
اے اُرش ءَ پاکستانی لشکر ءِ گاڑی سرجمی ءَ تباہ بوتگ ، وھدیکہ ٹپی ءُ بیران بوتگیں کارندہ اسپتال ءَ سر کنگ بوتگ اَنت ءُ دمگ ءَ سرچ آپریشن بندات کنگ بوتگ ۔
انگت ءَ ھچ گل ءَ اے وئیل ءِ زمہ واری نہ زرتگ۔