ماکولا ءِ نزیک ءَ دگ ءِ وئیل ءِ آسر ءَ ھک دو تھریک ءِ کارکن حفیظ کیازئی بیران، وھدے کہ دو ٹپی بیتگ اَنت-
پسنی ءِ دمگ ماکولا ءِ نزیک ءَ بیتگیں دگ ءِ وئیل ءِ آسر ءَ ھک دو تھریک ءِ کارکن حفیظ کیازئی بیران بیتگ، وھدے کہ دو مردم ٹپی بیتگ اَنت-
اِھوالکار ءِ رِد ءَ وئیل ءَ کاکا حسین واڈیلہ ءُ وسیم صمد ٹپی بیتگ اَنت- ٹپی زوت الاج ءِ ھاتر ءَ نادُراھجاہ ءَ برگ بیتگ اَنت-
وئیل ءِ ھال سر بیگ ءَ دمگی مردم ءُ کمکی ٹولی زوت وئیلجاہ ءَ سر بیتگ اَنت ءُ ٹپی چست کتگ ءُ نادُراھجاہ ءَ برتگ اَنت-
زانگ بہ بیت بلوچستان ءَ دگ ءِ ویلانی درچ یکشل ءَ برجاہ انت کہ یکیں ھپتگ ءِ توک ءَ 438 وئیل پیش اتکگ انت کہ چریشی ءَ 7 مردم بیران ءُ 568 مردم زدگ بیتگ انت-
میڈیکل ایمرجنسی رسپابس سینٹرز ( مرک) 1122 بلوچستان ءِ نیمگ ءَ شنگ بیتگیں مارچ 2026 ءِ دومی ھپتگ ءَ ھائی ویز ویکلی انسیڈنٹ رپورٹ ءِ رد ءَ بلوچستان ءِ جتا جتائیں شھدگاں یک ھپتگے ءِ وھد ءَ 438 ءَ دگ ءِ ویل پیش اتکگ انت کہ چریشی ءَ 568 زدگ بیتگ انت ءُ 7 مردم بیران بیتگ انت-