آسٹریلیا ءُ جاپان ءَ وتی جنگی جھاز پہ آبنائے ھرمز ءِ رکھینگ ءَ روان دیگ ءَ چہ انکار کتگ۔
آسٹریلیا ءِ ٹرانسپورٹ ءِ وزیر کیتھرین کنگ ءَ دو شمبے ءِ روچ ءَ وتی بیان ءَ گشتگ کہ آئی ءِ ملک وتی بھری جنگی جھاز آبنائے ہرمز ءَ روان نہ دنت۔
ٹرانسپورٹ ءِ وزیر ءَ اے بی سی ءَ گوں تران کنان ءَ گْوشتگ کہ ”ما آبنائے ھرمز ءَ جھاز روان نہ دیں ما زانیں کہ اے چنچو المی اِنت بلے اے ھما کار نہ اِنت کہ مارا چہ ایشی ءَ لوٹگ بوتگ ءُ اے ھما کار نہ اِنت کہ ما ایشی ءِ تہ ءَ بھر زورگ ءَ ایں“۔
جاپان ءِ وزیر دفاع شینجیرو کوئزومی ءَ پارلیمنٹ ءَ گوں تران کنان ءَ گوشت کہ ایران ءِ انوگیں جاور ھالانی رد ءَ مئے ھچ وڑیں ارادہ نیست کہ ما دریائی سیکورٹی آپریشن ءِ بندات ءَ بہ کن ایں ۔
زانگ بہ بیت کہ امریکی صدر ڈونلڈ ٹرمپ ءَ نیٹو ءُ آئی ءِ ھمراھیں ملکاں چہ لوٹ کتگ کہ آ آبنائے ہرمز ءِ رکھینگ ءِ ھاترا وتی بھری جنگی جھازاں روان بہ دنت۔