ندر پہ آپریشن ھیروپ ءِ شھیدانی نام ءَ
جیم گہرام
دی بلوچستان پوسٹ
آجوئیءِ بام
منی او گلزمین ماتیں
چیا دل رنجءِ ایمن بو
نہ بے تو دائمی بندیگ
ماں تئیلاں گلامی ءِ
سراں بست ءَ کپن ھیشی
پہ تئی آجوئی ءَ بچّاں
ھزاراں بانڈی دروشم
گہار گْراں مہزبیں مرچی
سلاہ بنداں بلوچ راج ءِ
ھوار انت گو یلیں براتاں
پہ راجءِ نوکیں پدریچ ءَ
وتی بکشاں سر ءُ جاناں
کناں پہ واھگے پیوست
وتی دلبند ءَ باروداں
وتا پہ پہر تراکینا
کناں انگرّ بدواھاں
سداں چہ گیش مردار ءُ
ھزاراں ٹپ ءُ ٹوری بیت
اے جنگ ءَ باج بلوچ ءِ گیں
دل ءَ من سدکّاں زاناں
وتی گہرام کیت آ روچ
نہ انت نو دیر نزّیک انت
پہ ایر دستیں بلوچ راج ءَ
گلامیں زند ءِ شپ کُٹ ایت
چہ ررُژنے آجوئی بام ءِ
چہ دیر ءَ شھم دنت کیتیں