آئی سی سی ٹی ٹوئنٹی ورلڈ کپ 2026 ءِ پائنل ءَ ھندوستان ءَ نیوزی لینڈ ءَ را 96 رنز ءَ ھار داتگ ءُ سیمی رند ءَ ٹی ٹوئنٹی چیمپئن جوڑ بوتگ۔
احمد آباد ءِ نریندر مودی اسٹیڈیم ءَ بوتگیں گڈی میچ ءَ نیوزی لینڈ ءَ ھندوستان ءِ ھلاپ ءَ ٹاس کٹ اتگ ءُ اولی باؤلنگ ءِ پیسلہ کتگ۔
اولی رند ءَ بیٹنگ کنان ءَ ھندوستان ءَ 20 اوور ءِ تہ ءَ 5 وکٹ ءِ ھلاسی ءَ 255 رنز جوڑ کتگ۔
256 رنز ءِ ٹارگٹ ءِ پسو ءَ نیوزی لینڈ ءِ سرجمیں ٹیم 19 اوور ءَ 159 رنز ءِ سر ءَ آؤٹ بوتگ انت۔
زانگ بہ بیت کہ ھندوستان ٹی ٹوئنٹی ورلڈ کپ ءِ ٹائٹل ءِ پھریز کنوکیں اولی ٹیم جوڑ بوتگ۔ ایشی ءَ چہ پیسر ھندوستان ءَ 2024 ءُ 2007 ءَ ٹی ٹوئنٹی ورلڈ کپ کٹ اتگ انت، اے وڑ ءَ آ ھم ھما ٹیم جوڑ بوتگ کہ آئی ءَ گیشتریں ٹی ٹوئنٹی ورلڈ کپ کٹوک جوڑ بیتگ۔