بلوچستان ءِ تیاب دپی شھر چی گوادر ءَ سیادی داروکیں یک ورنایے ایرانی تیاب دپی سیسمر ءَ گمانی ڈرون اُرش ءَ ورنایے بیران وھدے کہ یکے ٹپی بیتگ-
اِھوالکار ءِ رِد ءَ گوادر ءِ دمگ گنز ءِ جھمنند ورنا طیب وتی یک سنگتے ءِ ھمراھی ءَ زر ءِ راہ ءَ چہ ایران ءَ روگ ءَ بیتگ کہ ایرانی تیاب دپی دمگ کورگُٹ ءِ نزیک ءَ آیانی لانچ ڈرون اُرش ءِ نشانگ ءَ اَتکگ- اُرش ءِ آسر ءَ طیب جاہ پہ جاھی بیران بیتگ وھدے کہ آئی ءِ ھمراہ ٹپی بیتگ-
دمگی اِھوالکار ءِ رِد ءَ اے وئیل ایرانی سیمسر زر ءِ نزیک ءَ بیتگ- ٹپی بیتگیں مردم ءِ درگت ءَ انگت ھچ وڑیں ھال دز نہ کپتگ-
بیران بیتگیں ورنا ءِ لاش پد ءَ آئی ءِ بُنکی دمگ گنز ءَ برتگ- تنی وھدے اے زانگ نہ بیتگ اُرش کے ءَ کتگ، بلے دمگی اِھوالکار ءَ ٹاہ داتگ کہ اے اُرش گمانی اسرائیلی ڈرون ءَ چہ کنگ بیتگ- اے ٹاہ سرکاری نیمگ ءَ راست کنگ نہ بیتگ-
گوادر ءُ سیمسر تیاب دپی دمگاں میان ءَ زر ءِ راھاں دریاورد ءُ دمگی مردمانی روگ ءُ آیگ ھست اِنت، بلے سیکیورٹی جاورھالاں ءُ دریکینی جاورانی سوب ءَ اے وڑیں وئیلانی سر ءَ دلپردی درشان کنگ بیتگ- وئیل ءِ گیشیں سرپدی آیگ ءِ ودار اِنت-