ایران ءِ تہ ءَ سروک ءِ گچین کنوکیں ادارہ کارشناسانی مجلس ءِ باسک احمد عالم الحدا ءَ گْوشتگ کہ ملک ءِ نوکیں سروک گچین کنگ بوتگ۔
نیم سرکاری ھال رسانکی ادارگ مھر ءِ رد ءَ عالم الحدا ءِ گپ نوں کارشناسانی مجلس ءِ سیکرٹریٹ ءِ سروک حسینی بوشھری ءِ سر ءَ انت کہ آ اے وھد ءَ اے پیسلہ ءِ سرکاری رنگ ءَ جار جنگ ءِ زمہ وار انت۔
ایران اے وھد ءَ دگنیا ءِ تاکتوریں ملک اِنت کہ آئی ءِ آبادی شیعہ ءِ گیشتری اِنت ءُ ملک ءِ آئین ءِ رد ءَ ایوک ءَ آیت اللہ کہ شیعہ ءِ مذہبی رھشون اِنت-
بلے وھدے علی خامنہ ای گچین بوتگ گڑا آ آیت اللہ نہ بوتگ۔ اے درگت ءَ کانون بدل کنگ بوتگ ات کہ آ اگدہ ءَ بہ زور ایت۔
ایران ءَ 88 روھانیانی یک گلے کہ کارشناسانی مجلس ءِ نام ءَ زانگ بیت، سروک ءِ گچین کنگ بیت۔ ھمک ھشت سال ءَ بازیں ھسابے ءَ ایرانی رھشون ءِ شورا ءِ باسک گچین کن اَنت۔ یک امیدوارے ءِ دیم ءَ روگ ءَ پیسر آ اولی رند ءَ نگھبان کونسل نامیں کمیٹی ءِ منگ نامہ ءَ بہ دنت کہ آئی ءِ باسک چہ انوگیں سپریم لیڈر ءَ تچک ءَ یا ناتچک ءَ گچین کنگ بنت۔
2024 ءَ آیت اللہ علی خامنہ ای ءِ وپاداراں کونسل ءِ سرجمیں نشست گپتگ اَنت ءُ چار نشست کہ باسکانی بیرانی ءَ پد ھالیگ بوتگ اَنت -ابراہیم رئیسی ءَ ھوار – مئی 2026 ءَ دمگی گچینکاریاں پُر کنگ بنت۔
اسمبلی ءِ انوگیں چیئرمین محمد علی موحیدی کرمانی انت ءُ ہاشم حسینی بوشگری ءُ علی رضا عرفی ءِ کسان چیئرمین انت۔
رھبند ءِ رد ءَ سپریم لیڈر کونسل ھما وھد ءَ جائز اِنت کہ آئی ءِ کم چہ کم دو سَے باسک (59 مردم) ھوار بہ بنت۔ نوکیں رھشون ءِ گچین کنگ ءِ ھاترا جاڑیگیں مردمانی دو سَے بھرگ ءِ ووٹ لوٹ ایت۔ بزاں اگاں ایوک ءَ 59 باسک ھوار بہ بنت گڑا نوکیں سروک ءِ گچین کنگ ءِ واستا 40 ووٹ بس بنت۔