بلوچ لبریشن آرمی ءَ وتی آفیشل چینل ھکل ءَ آپریشن ھیروپ ٹو ءَ ھواریں دگہ چار نمیرانیں ھمراھانی اکس ءُ اھوال شنگ کتگ انت-
بنداتی ءِ پجار فدا حسین جمالدینی پنام ءِ عامر ء محمد عمر جھمنند کڈی ڈیدار نوشکی ءِ نام ءَ کتگ – آ دسمبر 2023 ءَ بی ایل اے ءَ ھوار بوتگ ءَ آپریشن ھیروپ ٹو ءِ وھد ءَ نوشکی ءَ شھید بیتگ-
آئی ءَ رد ءَ نوشکی ءِ ترندگیریں راھاں ردوم زورکیں فدا حسین جمالدینی کہ سنگتانی میان ءَ عامر ءِ نام ءَ زانگ بیتگ ءُ آئی ءَ دسمبر دوھزار ءُ بیست ءُ سَے ءَ بی ایل اے ءِ ھوار بوگ ءَ پد آئی ءَ شھری نیٹورک سمبال اتگ وھدیکہ آپریشن ھیروپ ءِ گوانک اتکگ گڑا عامر ءَ وتی دراھیں زور نوشکی ءِ پٹ ءَ دشمن ءِ پادانی بُرگ ءَ وتی وھد داتگ ءُ داں گڈی ساہ ءَ آئی ءَ مھکمی ءِ اوشتگ ءِ درشان کنان ءَ نمیران بوتگ-
دومی ءِ پجار عصمت اللہ کبدانی پنام ءِ کندیل ء حاجی عبداللہ کبدانی جھمنند شیخ زائد ھسپتال ھاران ءِ نام ءَ کتگ آئی ءَ 2025 ءَ بی ایل اے ءَ بھر زرتگ ءُ نوشکی ، ھاران ءِ میدان ءَ ایس ٹی او ایس ءِ بھر بوتگ ءُ آپریشن ھیروپ ٹو ءَ نوشکی ءَ نمیران بیتگ-
ھاران ءَ زانت ءُ زانشتی چاگرد ءَ بندوکیں عصمت اللہ کبدانی آ گوریلا ءِ پتر ءَ کندیل ءِ نام ءَ گوانک جنگ بیتگ آ وتی ھاک ءِ ھما چراگ بوتگ آئی ءَ تھاریں شپاں رژن ءِ بالینگ ءِ منینتگ- 2025 ءَ زرمبشت ءِ بھر بوتگ گڑا عصمت اللہ آئی ءَ وتی زانت ءُ زانشت ءَ بی ایل اے ءِ گچینی یونٹ ایس ٹی او ایس ءَ وتی جاہ جوڑینتگ-
کندیل ءَ ھاران ءُ نوشکی ءَ یک رُستگیں پُلے بیتگ ءُ آ ھما ھسابی سپاھیاں ھوار بوتگ کہ آئی ءَ مشکلیں مشن سرجم کتگ انت-
آئی ءَ آپریشن ھیروپ ٹو ءِ وھد ءَ نوشکی پہ دشمن ءَ سیاہ شپ کتگ – عصمت ءَ وتی تکنیکی ءُ لشکری زانشت ءِ سرجم ءَ درشانی کتگ ءُ دشمن سرین پروش کتگ ءُ وت ءَ پہ ھاک ءَ ندر کتگ – آئی ءَ اے منیتگ کہ کندیل وھدیکہ بلنت گڑا ھزارانی نوکیں چراگ رژنا بنت –
سیمی ءِ پجار فھد بلوچ پنام ءِ دیار ء عطاء اللہ بادینی جھمنند قاضی آباد نوشکی ءِ نام ءَ کتگ آئی ءَ 2025 ءَ بی ایل اے ءَ بھر زرتگ ءُ شور پارود ءُ جنگی میدان ءَ بوتگ ءُ نوشکی ءَ آپریشن ھیروپ ٹو ءَ نمیران بوتگ-
شھید فھد بلوچ پنام ءِ دیار نوشکی ءِ ھما ھاک ءَ چِست بوتگ کہ اود ءَ راجی آجوئی ءِ جُست بے تواری ءَ نوکیں نسل ءِ زھناں برانر گرگ انت- فھد ءَ وتی کش ءُ گور ءِ جاور ایوک ءَ ھمک روچی ڈول ءَ نہ دیستگ انت بلکیں راستی ءَ زانگ ءِ جھد کتگ-
اود ءَ یک مردمے وتی زات ءَ در کپ ایت ءُ راج ءِ مچانکی جاوراں مٹ کنگ ءِ جستاں ھوار بیت انت- سلاہ بندیں گھگیری زرمبشت ءِ بندوکی ءِ راستی ھما پکر ءِ آسر انت کہ یک واھشتے ناں بلکیں یک زانشتے ءِ ستک ءَ گوں چِست بیت انت-
شھید فھد ءَ شور پارود ءَ جنگی میدان ءَ وتی کرد پیلو کتگ ءُ آپریشن ھیروپ ٹو ءَ نوشکی ءَ جاڑیگ بوتگ ءَ داں شش روچاں راجدپتر ءَ ھما بھادری ءُ جوانی ءَ دشمن ءِ سر ءَ ٹوھیں اُرش کنان ءَ وتی ساہ ندر کتگ ءُ آجوئی جنگ ءِ راجدپتر ءَ وت ءَ نمیران کتگ-
چارُمی ءِ پجار شھید عبدالوحید قلندرانی پنام ءِ دوستین جھمنند شھداد کوٹ سندھ ءِ نام ءَ کتگ، آئی ءَ 2023 ءَ بی ایل اے ءَ بھر زرتگ ءُ بولان ءُ کلات ءِ میدان ءَ بوتگ ءُ نوشکی ءَ آپریشن ھیروپ ٹو ءَ شھید بیتگ-
عبدالوحید قلندرانی آ ھمراھیں سرمچاراں دوستین ءِ نام ءَ گوانک جتگ کہ آ ھاک ءِ ریشگاں پرکار بیتگ کہ وتی ھد ءُ سیمسراں بندوک بیتگ – بلے راستی ءَ آ سندھ شھداد کوٹ ءَ ودی بوتگ بلے آئی ءِ جسم ءُ جان ءَ ھروھد ءَ بلوچ ءِ ھون ءَ گردش کتگ ءُ چریشی ءَ زمین ءِ گوانک ءَ آ چِست بوتگ-
دوستین ءَ اے منینتگ کہ بلوچ دنیا ءِ کجام ھم کنڈ ءَ بہ بیت بلے وتی سرڈگار ءِ آجوئی ءِ ھاتر ءَ پاد جنت- دوھزار ءُ بیست ءُ سَے ءَ وھدیکہ آئی ءَ بی ایل اے ءَ بھر زرتگ گڑا آئی ءِ زانشت ءُ زانت پھتو بیتگ کہ آئی ءِ راستیں پجار بلوچستان ءِ شِپکیں تلار انت-
دوستین ءَ بولان ءِ ھترناکیں راہ ءُ کلات ءِ برپ بستگیں میدان ءَ وتی لشکری زانشت آسنے جوڑ کتگ- آ یک جنگولے بیتگ کہ آئی ءَ سندھ وشی رکست کتگ ءُ وتی ھاک ءِ گوانک ءَ چِست بوتگ ءُ کوھی ھترناکیں راہ پہ وتی زند جوڑینتگ انت-
آپریشن ھیروپ ٹو ءَ نوشکی ءِ میدان ءَ دشمن ءِ ھلاپ ءَ ھمک پیش پیش ءُ دشمن ءِ پادانی بُران ءَ وتی ھمراھ پریزان کتگ ءُ نمیران بوتگ- عبدالوحید قلندرانی ءِ کربانی ھما دراھیں بلوچانی واستا یک گیش اتگیں راھے کہ وتی سرزمین ءَ دور بوگ ءَ ابید ھم آجوئی ءِ واب ءَ چمانی توک ءَ سمبھینگ ءَ انت-