کمشنر مکران ءِ سرکاری گاڑی سوراب ءِ دمگ ءَ گن مین ءُ ڈرائیور ءِ ھمراھی ءَ سلاہ بندیں مردماں برتگ انت۔
دمگی مردمانی رد ءَ کمشنر مکران ءِ گاڑی چہ شال ءَ تربت ءَ روگ ءَ بوتگ کہ آئی ءِ گن مین ءُ ڈرائیور آئی ءَ برگ ءَ انت۔ راہ ءَ ناشناسیں سلاہ بندیں مردماں گاڑی داشتگ ءُ گون وت برتگ انت۔
مردمانی گشگ انت کہ سلاہ بندیں مردماں گاڑی ءِ ھمراھی ءَ گن مین ءُ ڈرائیور ھم برتگ انت۔
بلے گوستگیں ھالانی رد ءَ آوار جنگ بوتگیں مردم ءُ سرکاری گاڑی ءِ بابت ءَ دگہ ھال ءُ اھوال پدر کنگ نہ بوتگ انت۔