شش جتاجتائیں ھندانی سر ءَ کاروائیاں ناکہ بندی، دو کواڈ کاپٹر تباہ، ھال اِھوالی ٹاور ماندارگ، پوج ءِ بُنجل ءُ چوکیاں ھوار پولیس اسٹیشن سر ءَ اُرش کتگ- بی ایل ایف

بلوچستان لبریشن فرنٹ ءِ جارکش میجر گْوھرام بلوچ گوشتگ کہ مئے سرمچاراں پنچ مارچ 2026 سُھب نُھ ءَ بگر تاں نیمروچ ءِ دو ءَ بیسیمہ ءِ دمگ پتک سی پیک شھدگ سرجمی ءَ ناکہ بندی کنان ءَ وتی کنٹرول ءَ زرتگ- اے میان ءَ سرمچاراں آؤکیں ءُ رؤکیں سرجمیں گاڑی سک پٹ ءُ پول کار بندات کتگ- پٹ ءُ پول ءِ میان ءَ لھتے ریاستی ادارھاں چہ سیادی داروکیں لھتے شکی ئیں مردم آوار جتگ اَنت آیاں پٹ ءُ پول کتگ- بلے زرمبشت دُژمنی ءَ ھمگرنچ بیگ ءَ ھچ وڑیں سبوت دز نہ کپگ ءُ بلوچ بیگ ءِ سوب ءَ آ پہ سلامتی یل کتگ اَنت-

جارکش ءَ گْوشتگ کہ ناکہ بندی ءِ میان ءَ زورگریں پاکستانی پوج ءَ سرمچارانی ھلاپ ءَ پیشگامی جُھد کتگ، چریشی ءَ پیسر ءَ سنگر ءَ نشتگیں سرمچاراں تُرندیں پسھی اُرش ءَ پشتکنز کتگ اَنت- دُژمن وتی پروشی ءِ چیردیگ ھاتر ءَ کواڈ کاپٹراں چہ بُرزی چاروگی ءُ پُترگ ءِ جُھد کتگ بلے سرمچاراں وتی گوریلا رپکاں چہ دو پوج ءِ کواڈ کاپٹر نشانگ کتگ ءُ دور داتگ اَنت چریشی ءَ دُژمن ءِ اُرش بے سوب بیتگ-

جارکش ءَ گْوشتگ کہ ھمے روچ ءَ یک دگہ کاروائی ءَ سرمچاراں ھب دریجی دگ سر ءَ برجاہ ریاستی ھال اھوالی ٹاور مانداشتگ- اے سوبمندیں کاروائی ءِ آسر ءَ دُژمن ءِ ھال اھوالی نزام سرجمی ءَ ناکاراہ بیتگ-

جارکش ءَ گْوشتگ کہ دگہ یک کاروائی ءَ سرمچاراں ھمے روچ ءَ ھُزدار ءِ دمگ زھری، نورگامہ ءِ ھند سر ءَ برجاہ پرنٹیر کور ءِ چیک پوسٹ سر ءَ وتکاریں سلاھاں چہ اُرش کتگ- اے کاروائی ءِ آسر ءَ دُژمن لشکر ءَ جانی ءُ مالی تاوان چست کنگ کپتگ-

جارکش ءَ گوشتگ کہ پنچ مارچ ءِ روچ ءَ دگہ یک کاروائی یے سرمچاراں جھاؤ ءِ دمگ ڈولیجی ءَ پاکستانی پوج سر ءَ ھما وھد ءَ مزنیں سلاہ ءُ نوکیں سلاھاں چہ اُرش کتگ وھدے آ بُنجاھی بُنجل ءِ پھازی ءِ واستا سنگر جوڑ کنگ ءَ بیتگ اَنت- اے کاروائی ءِ آسر ءَ ھم لشکر ءَ جانی ءُ مالی تاوان چست کنگ کپتگ-

جارکش ءَ گوشتگ کہ دگہ یک کاروائی یے مئے سرمچاراں چار مارچ ءَ ھب شھر ءَ سٹی پولیس اسٹیشن سر ءَ دستی بمب ءَ چہ اُرش کتگ- دستی بمب پولیس اسٹیشن ءِ تہ ءَ کپتگ، چریشی ءِ آسر ءَ پولیس کارمنداں جانی ءُ مالی تاوان چست کنگ کپتگ-

جارکش ءَ گوشتگ کہ دگہ کاروائی یے سرمچاراں سے مارچ تربت ءِ دمگ گنہ ءَ برجاہ زورگریں پاکستانی پوج ءِ چیک پوسٹ اُرش ءِ نشانگ کتگ- اُرش ءِ میان ءَ سرمچاراں گرنیڈ لانچر ءِ بازیں گولھے آس داتگ، کہ بُنجل ءِ تہ ءَ کپتگ ءُ نشانگ ءَ لگ اِتگ اَنت- اے کاروائی ءِ آسر ءَ دُژمن ءَ پوج ءَ جانی ءُ مالی تاوان چست کنگ کپتگ-

گُڈی ءَ جارکش ءَ گوشتگ بلوچستان لبریشن فرنٹ ءَ بلوچستان ءِ جتاجتائیں دمگاں پوج ءِ بُنجلاں، چوکیاں ءُ پولیس اسٹیشنانی سر ءَ اُرشاں ھوار ناکہ بندی ءُ ھال اِھوالی ٹاور ماندارگ ءِ زمہ واری منّ اِتگ اَنت-