امریکہ ءِ سینٹرل کمانڈ ءِ کمانڈر بریڈ کوپر ءَ گشتگ کہ گوستگیں 72 کلاک ءِ تہ ءَ امریکہ ءَ ایران ءِ تہ ءَ 200 ٹارگٹ جتگ ءُ ایشی ءَ چہ تھران ءِ میزائل ءُ ڈرون ءِ توانائی ءَ مزنیں کساسے ءَ کمی اتکگ۔
بریڈ کوپر ءَ گیش کرتگ کہ امریکہ ءِ لشکر نوں ایران ءِ میزائل جوڑ کنگ ءِ بنیاتی ڈھانچہ ءِ ھلاس کنگ ءِ ھاترا کار کنگ ءَ اِنت۔
آئی ءَ لھتے دمان پیش رسانکدر ءِ دیوان ءَ ایران ءِ میزائل لانچر ءُ انفراسٹرکچر ءِ ھلاپ ءَ برجاھیں فوجی کارروائیانی بابت ءَ سرجمیں ھال ءُ اھوال داتگ۔
“تھنا گوستگیں 72 کلاک ءِ تہ ءَ امریکہ ءِ بمب تراک کنوکیں بالی گراباں ایران ءِ تہ ءَ نزیک ءَ 200 ٹارگٹ جتگ کہ ایشی ءِ تہ ءَ تھران ءِ کش ءُ گور ھم ھوار انت ءُ ایوک ءَ گوستگیں کلاک ءِ تہ ءَ بی ٹو بمب تراک کنوکیں بالی گراباں نُھ سد کلو وزن داریں بمب اُرشاں کہ آھانی تہ ءَ دریا ءِ تہ ءَ جھلیں بیلسٹک میزائل ءِ نشانگ جوڑ کنگ بوتگ انت۔
کوپر ءَ گیش کرتگ: ما ایران ءِ ایرو اسپیس کمانڈ ءَ ھم نشانگ جوڑ کتگ۔ “یک کارروائی کہ ایران ءِ توانائی ءَ پہ امریکہ ءَ ھترہ کنگ ءَ ناگیگ کنت۔”
آئی ءَ اے گپ ءِ سر ءَ زور پر دات کہ “گْوستگیں بیست ءُ چار کلاکانی تہ ءَ ایران ءِ بیلسٹک میزائل ءِ اُرش چہ پیسری روچ ءَ 90 درسد کم بوتگ اَنت ءُ آئی ءِ ڈرون ءِ اُرش 83 درسد کم بوتگ اَنت۔”