سوراب : سلاہ بندیں مردماں ناکہ بندی کتگ، پوج ءَ گوں میڑ ءَ سے مردم ٹپی بیتگ اَنت

بلوچستان ءِ دمگ سوراب ءَ پشمبے ءِ سُھب ءَ سلاہ بندیں مردمانی نیمگ ءَ چہ بُنجاھی شھدگ سر ءَ ناکہ بندی کنگ ءَ پد پاکستانی پوج ءِ گوما میڑ بیتگ-

دمگی اِھوالکار ءِ رِد ءَ پجّار نہ بوتگیں سلاہ بندیں مردم سُھب بانگواہ ءَ سوراب ءَ بُنجاھی ھائی وے سر ءَ ناکہ بندی کتگ آؤکیں ءُ رؤکیں گاڑی داشتگ اَنت پٹ ءُ پول بندات کتگ اَنت-

اِھوالکار ءِ گوشگ اِنت کہ وئیل ءَ پد پاکستانی پوج ءِ نیمگ ءَ پیشگامی کنگ جُھد کتگ چریشی ءَ سلاہ بندیں مردم ءُ پوج ءِ میان ءَ میڑ بندات بیتگ-

چمّگدانی رِد ءَ اے میان ءَ تیرگواری ءُ گولہ گواری ءِ توار ھم اش کنگ بیتگ- دمگی اِھوالکار ءِ رِد ءَ پوج ءِ نیمگ ءَ چہ بازیں گولہ گواری ءِ نشانگ ءَ آیگ ءَ چہ کم چہ کم سے مردم ٹپی بیتگ اَنت-

واکدار ءِ نیمگ ءَ چہ وئیل ءِ درگت ءَ ھچ وڑیں درشان دیم ءَ نیتکگ-

نانکہ بندی وئیل زمہ واری دگہ گلے ءَ زرتگ-