بی ایل اے ءَ آپریشن ھیروپ ءَ بھر زیروکیں دگہ دو سرمچارانی اکس ءُ تامر شنگ کتگ انت

بلوچ لبریشن آرمی ءَ وتی ھکل چینل ءَ آپریشن ھیروپ ٹو ءَ بھر زیروکیں دو سرمچارانی اکس ءُ اھوال شنگ کتگ انت-

بنداتی ءِ پجار فدائی حفیظ بلوچ ابنِ حسینہ بی بی پنام ءِ اھسان جھمنند شاپتان، پنجگور ءِ نام ءَ کتگ، آئی ءَ بی ایل اے ءُ شھری گوریلا دوھزار ءُ بیست ءُ سَے ءَ بھرمند بیتگ ءُ سال دوھزار ءُ بیست ءُ چار ءَ ستمبر ءِ ماہ ءَ آ کوھی دمگ ءَ شتگ ءُ سال دو ھزار ءُ بیست ءُ چار نومبر ءَ مجید بریگیڈ ءَ شتگ- ءُ آ کوھی دمگ ناگاھو ءَ بیتگ ءُ آپریشن ھیروپ ھاران ءَ نمیران بیتگ-

فدائی حفیظ بلوچ پنام ءِ اھسان ھما سرمچاراں بیتگ کہ آیاں وتی گھگیری سنجیدگ ءُ مھکمیں زمہ واریں رنگے ءِ راہ گپتگ – دوھزار ءُ بیست ءُ سَے ءَ شھری گوریلا ءِ رنگ ءَ بی ایل اے ءَ ھوار بوگ ءُ بے تواری ءُ ھترناکی ءُ دراجیں وھدے ءَ جد ءُ جھد ءِ بھر بوگ -شھری پھنات ءَ آئی ءِ کرد گل ءِ برجاھی ،انٹیلی جنس ءِ زانشت ءُ رھبندانی رد ءَ بیتگ- آ ھما ورنایاں ھوار بوتگ آ سرپد بوتگ آن جنگ ایوک ءَ تیر ءِ ھلائینگ ءِ نام نہ انت بلکیں زھنی، اوپاری ءُ وھد ءِ ھارانی رد ءَ وتی ازم ءِ کارمرد کنگ ءِ نام انت-

ستمبر دوھزار ءُ بیست ءُ چار ءَ کوھی میدان ءَ آیگ ءَ پد پکری سپر ءِ دومی بندات بیتگ – ناگاھو ءِ میدان ءَ آئی ءَ نا ایوک ءَ لشکری زمہ واری پھریزتگ انت بلکیں مشکلیں وھد ءَ جوانین گامگیج چِست کتگ – نومبر دوھزار ءُ بیست ءُ چار ءَ مجید بریگیڈ ءَ ھوار بوگ آئی ءِ ھما پیسلاھانی پدراھی ءَ کنت- آ یک بلوچ راجی زرمبشتے ءِ آجوئی ءَ گڈی منزل ءَ سرکنگ ءَ تیار انت – اے گامگیج کجام ھم ازاروکی ءِ وھد ءِ نہ انت بلکیں زانشت ءُ سرپدی ءِ تَک ءَ انت-

آپریشن ھیروپ ٹو ءِ وھد ءَ ھاران ءَ بنجاھی پوج ءِ بنجل ءِ بنجاھی دروازگ ءَ دراج کشیں جنگ ءُ چوپ ءَ آئی ءَ وتی ھمرھانی جواری ءَ دشمن ءِ مھکمین انگیر پروشتگ – اے درچ لشکری کزا نہ بیتگ بلکیں یک چیدگی کلوھے بیتگ کہ نی بلوچ سرمچار دشمن ءِ بنجلانی سر ءَ شت کن انت ءُ تو ھما میدان ءَ شھید بیتگ ئے – آئی ءِ شھیدی یک ھنچیں ورنایے ءِ پیلسہ ءِ گڈی آسری انت کہ آئی ءَ گھگیری ءِ ازاروکی ءِ پسو نہ انت بلکیں راجی زمہ واری ءِ رنگ ءَ کارمرد کتگ –

دومی نیمران ءِ پجار چیئرمین قادر بلوچ کاشانی پنام ءِ چیئرمین بلوچ خان ء گلام مھمد کاشانی ءِ نام ءَ کتگ آ کلی قاسم دالبندین چاگی ءَ نشتگ – آئی ءَ ایم اےطپولیٹیکل سائنس، یونیورسٹی آف منیجمنٹ اینڈ ٹیکنالوجی لاھور ءَ کتگ- آئی ءَ سال دوھزار ءُ بیست ءُ چار ءِ پروریی ءَ بی ایل اے ءَ بھر زرتگ – آئی ءَ چمالنگ، کاھان، دکی ،شورپارود ءَ جنگی میدان ءَ وتی کرد پیلو کتگ – آ آپریشن ھیروپ ٹو ءَ ھاران ءَ فتح اسکواڈ ءِ بنزہ ءَ بیتگ ءُ نمیران بیتگ-

قادر بلوچ کاشانی ءِ داستان ءِ زندمان ھما وتمیانکیاں پروش دنت کہ آ سرپد بنت کہ زرمبشت ناامیتی ءَ ودی بنت- دالبندین ءِ یک مزن شان ءُ واھشتداریں لوگے ءَ سیادی داروکیں قادر کاشانی ءِ گور ءَ ھما درستیں آسراتی جاڑیگ بیتگ انت کہ لس ورنایے بس واب ءَ گند ایت بلے قادر ءِ نزیک ءَ زندگی تھنا ساہ ءِ زورگ ءِ نام نہ انت بلکیں وتی راجی پجار ءُ ھستمانی ءِ واستا جنگمان ءِ نام انت-

لاھور یونیورسٹی آف منیجمنٹ اینڈ ٹیکنالوجی ءَ پولیٹیکل سائنس ءِ ڈگری ءِ گرگ ءَ پد قادر بلوچ ءَ کتابانی توک ءَ ریاست، تاکت ءُ ھک ءِ ھاکمیت ءِ زانشت ونتگ -آئی ءَ وتی ھاک ءِ گوانک ءِ ھوارینتگ- نودربر سیاست ءَ آئی ءِ پرکاری تھنا دزبندی نہ بیتگ بلکیں سیاسی زانشت ءِ ودینگ بیتگ کہ چریشی ءَ گڈی ءَ پروری دوھزار ءُ بیست ءُ چار ءَ املی جد ءُ جھد ءِ ھترناکیں راہ ءِ روگ ءَ رھادگ کتگ- آئی ءَ نرم ءُ نازرکیں بستر یل داتگ چمالنگ ، کاھان ءُ دکی ءِ سنگ ءُ کوہ ءُ ھاک گچین کتگ- اے گپ ءِ منانک انت ھرکس زانشت ءِ پھتوئی بہ بیت گڑا آئی ءَ دولت ءُ مال ءِ زنجیر وت پروش انت-

گل ءِ پتر ءَ چیئرمین بلوچ خان ءِ نام ءَ زانوکیں قادر کاشانی ءَ شور پارود ءَ داں ھاران ءِ پٹ ءَ وتی سیاسی سنچ ءُ لشکری بنزہ ءِ مھکمیں دیوال مِک کتگ – آ یک ھنچیں سیاسی باسکے بیتگ کہ آئی ءَ زانتگ کہ وھدیکہ ند ءِ شرپ ءَ پچ بہ گپتگ گڑا توپک ءِ باسک جوانتیں دلیلے جوڑ بیت انت- فتح اسکواڈ ےِ یک نہ ترسیں سپاھی ءِ رنگ ءَ ھمک وھد ءُ جاوراں بنداتی کرد پیلو کتگ انت- آئی ءِ شھیدی تھنا یک نامے ءِ روگ نہ انت بلکیِ ھما پلسپہ ءِ سوبمندی انت کہ آجوئی ءِ واستا ھمک دیمونی ءِ دنیا ءِ مال ءُ دولتاں لگت جنگ گیش انت