بی ایل اے ءَ وتی دگہ 3 فدائینانی اکس ءُ اھوال شنگ کتگ انت

بلوچ لبریشن آرمی ءَ وتی آفیشل چینل ھکل ءَ آپریشن ھیروپ ٹو ءَ بھر زیروکیں سَے فدائینانی اکس ءُ اھوال شنگ کتگ انت-

اولی فدائین ءِ پجار شعیب پنام ءِ شھزاد ابنِ ملک ناز جھمنند نیوٹاؤن گوادر ءِ نام ءَ کتگ آئی ءَ سال دوھزار ءُ بیست ءُ چار ءَ بی ایل اے ءَ بھر زرتگ ءُ شھری گوریلا زمہ واری زرگگ ءُ سال دوھزار ءُ بیست ءُ پنچ ءَ مجید بریگیڈ ءَ ھوار بیتگ ءُ ساھیجی، مزنبند ءُ کلبر ءِ ھنداں جنگ ءِ میدان ءَ گون بیتگ ءُ آپریشن ھیروپ ٹو ءَ ماں گوادر ءَ نمیران بیتگ-

فدائین شعیب پنام ءِ شھزاد ءِ مول ءُ مراد مھکم ءُ پکائیں رنگے ءَ زانگ بیتگ انت- نیوٹاؤن گوادر ءَ سیادی داروکیں ورنائیں سرمچار ءَ 2024 ءَ بلوچ لبریشن آرمی ءَ بھر زرتگ ءُ شھری گوریلا ءِ بستار ءَ دشمن ءِ ھلاپ ءَ گچینی کرد پیلو کتگ انت- شھری پڑ ءَ کار کنان ءَ رھبند ءُ رازداری ءُ ناگیگیں جاوراں رپک ءُ ھنر پجار اتگ انت – کجام ھم شھری گوریلا ءِ واستا بنکی ءُ پلگاریں رنگے ءَ ھوار بنت-

شھری تک ءَ پرکاری ءَ پد آئی ءَ گل ءِ پیسلگ ءِ تک ءَ 2025 ءَ مجید بریگیڈ ءِ تک ءَ وتی کرد پیش کتگ – اے پیسلہ آئی ءِ چکّار کاری ،زانشت ءِ پھتوئی ءُ راجی آجوئی ءِ واستا گڈی کربانی ءِ دیگ ءِ جزبگ ءِ پدراھی ءَ کنت- ساھیجی، مزنبند ءُ کلبر ءِ میداناں آئی ءَ املی جنگی تجربگ ءِ ھیلکاری کتگ ءُ دشمن ءِ ھلاپ ءَ جتا جتائیں کاروائیاں بھر زرتگ- کہ اود ءَ آئی ءَ منارینتگ آ یک باسکے نہ انت بلکیں مھکم ءُ زمہ واریں سرمچارے-

آپریشن ھیروپ ٹو ءِ وھد ءَ گوادر ءَ آئی ءَ فدائی اُرش ءَ بھر زرتگ ءُ دشمن ءِ ھلاپ ءَ پیسلہ داریں کرد پیلو کتگ – آئی ءِ بھر زیرگ اے درچ ءَ پدر کنت آ ایوک ءَ گھگیری ءِ بھر نہ بیتگ بلکیں ایشی ءَ گیش گچینی تک کربانی ءِ واستا تیار بوتگ- فدائی شعیب پنام ءِ شھزاد ءَ وتی امل ءَ را تچک کتگ بلوچ ورنا نہ زور ءَ جُک انت ناکہ ترس ءَ پشتکنز نہ بیتگ- بلکیں راجی آجوئی ءِ رھبندانی تک ءَ ھمک درچ ءَ مھکم بیتگ-

آئی ءِ زندگی ءُ کربانی بلوچ راجی جد ءُ جھد ءِ بھر بیتگ ءُ آئی ءِ نام ھما سرمچارانی تک ءَ ھوار انت کہ آیاں وتی ھوناں گوں گھگیری ءِ گوستانک مھکم کتگ-

دومی فدائین ءِ پجار یوسف بلوچ پنام ءِ یاگی ء اسھاک جھمنند پروم پنجگور ءِ نام ءَ کتگ کہ آئی ءَ دوھزار ءُ بیست ءُ چار ءَ بی ایل اے ءَ بھر زرتگ ءُ سال دوھزار ءُ بیست ءُ چار ءَ پد مجید بریگیڈ ءِ بھرمند بیتگ- آئی ءِ اُمر بیست ءُ یک سال بوتگ- آئی ءَ پروم ءُ پنجگور ءَ وتی کرد پیلو کتگ انت ءُ آپریشن ھیروپ ٹو ءَ گوادر ءَ نمیران بوتگ-

فدائی یوسف بلوچ ءِ مھکمیں گام ءُ وتی مول ءُ مراد ءِ جھلانکیں رنگے ءَ زانگ بیتگ – آ مشکلیں وھداں ھم پرکار بیتگ ءُ وتی سرمچارانی گون ءَ ھمکوپگ بوگ ءِ سنچے داشتگ – آئی ءِ دھشت ءَ رھبند ءُ لیکہ، اوپار ءُ جاورانی رد ءَ وھد ءِ پژدر ءَ پیسلہ کنگ ءِ واکے داشتگ آئی ءَ جنگ ءِ پِڑ ءَ یک زمہ وار ءُ ستکدار ءُ کردانی واھندی ءِ نامان بیتگ-

فدائی یوسف بلوچ پروم ءُ پنجگور ءِ میدانان پرکار بیتگ- اے دمگاں آئی ءَ زورگریں پاکستانی پوج ءِ ھلاپ ءَ بازیں جنگاں بھر زرتگ ءُ وتی گامگیجانی کرد گل ءِ زمہ واریں رنگے ءَ سرجم کتگ انت-

فدائی یوسف آپریشن ھیروپ ٹو ءَ گوادر ءَ جنگ ءَ ھوار بوتگ – گوادر ءَ آئی ءَ وتی سرمچاریں ھمراھانی گون ءَ یک دراج ءُ مھکمیں جنگے برجاہ داشتگ- آئی ءِ بھر زیرگ ءُ بھادریں دروشم ءَ دشمن ءَ سکا تاوانانی دیمپانی بیتگ ءُ آئی ءَ پھریزی پوزیشن ءَ بھر زیرگ ءَ لاچار کتگ – آپریشن ھیروپ ٹو وتی مول ءُ مراداں سوبمند بیتگ ءُ چریشی ءَ فدائی یوسف بلوچ ءِ کرد ءِ کسہ ھوار انت-

سیمی فدائین ءِ پجار بَرات بلوچ پنام ءِ اسلم ء مراد بخش جھمنند آسکانی بازار، آبسر تربت ءِ نام ءَ کنگ بیتگ،آئی ءَ بیست ءُ ھشت جنوری دوھزار ءُ بیست ءُ سَے ءَ بی ایل اے ءَ بھرے زرتگ، پنجگور،کولواہ، کیلکور ءُ گچک ءِ میدان ءَ جنگ ءَ ھوار بیتگ ءُ آپریشن ھیروپ ٹو ءَ گوادر ءَ نمیران بیتگ-

فدائی بَرات بلوچ ءِ سیادی تربت کیچ ءَ بیتگ- تربت ءِ سرڈگار ھروھد ءَ بھادری ، سیاسی زانشت ءُ کربانی ءِ چراگ ءِ چیدگ انت – اے ھما سرڈگار انت کہ اود ءِ مردم راجی آجوئی ءِ واستا کجام ھم کربانی دیگ ءَ چَک ءُ پد نہ بہ انت- ھمے گچینی زمین ءَ بَرات ءِ وڑیں بھادریں سرمچارے ودی کتگ، یک ھنچیں جوانے کہ وتی زمین ءِ آجوئی ءِ واستا زانشت ءُ پکر ءِ ھر دروشمیں کربانی ءِ دیگ ءَ چَک ءُ پد نہ بنت- بَرات بلوچ ءَ کسانی ءَ وتی کش ءُ گوراں کربانی ءُ گھگیری ءِ کسھاں گوشدارگ ءَ انت – ءُ ھمے زانشت ءُ جزبگ ءَ ھمے راجی آجوئی ءِ رھبندانی میدان ءَ جنگ ءَ کار انت-

فدائی بَرات بلوچ ءَ آپریشن ھیروپ ٹو ءِ وھد ءَ گوادر ءِ میدان ءَ جاڑیگ بیتگ- گوادر ءِ میدان ءِ سر ءَ بَرات ءُ آئی ھمراھاں یک مھکم ءُ مزنیں جنگے ءِ سان آیوکیں روچاں بلوچ جنِگ آجوئی ءُ سرجمیں دمگ ءِ جیوپولیٹیکل ءِ جاورھال تچک ءَ گندگ ءَ کئیت انت –

فدائی بَرات ءَ وتی ھون ءَ آجوئی ءِ راہ ءَ راجدپتر ءَ وتء نامینتگ ءُ اے منیتگ کہ بلوچ فدائی سرمچار وتی گڈی ساہ ءَ داں میدان ءَ جاڑیگ بوگ ءُ دشمن ءِ سر ءَ ھترناکیں اُرش کنان بنت-