کاؤنٹر تیررازم ڈپارٹمنٹ ( سی ٹی ڈی) ءَ ٹاہ داتگ کہ شال ءَ یک آپریشنے ءِ 8 سلاہ بندیں مردم کُشتگ انت۔
سی ٹی ڈی ءِ بنشون ءِ رد ءَ شال ءِ دمگ درخشان ءَ آپریشن کنگ بوتگ ءُ تیرگواری ءِ وھد ءَ اے مردم کشگ بوتگ اَنت۔ بنشون ءِ رد ءَ تیرگواری ءِ وھد ءَ سی ٹی ڈی ءِ 3 کارندہ ھم ٹپیگ بوتگ انت۔
ٹاپار ءِ رد ءَ چہ بیران بوتگیں مردماں سلاہ ءُ گولہ بارود دزکپتگ انت کہ گشگ بیت کہ آ گوں یک ناشریں گلے ءَ سیادی دار اَنت بلے پٹ ءُ پول برجاہ اِنت۔
گوستگیں وھداں ھم سی ٹی ڈی ءِ آپریشن دروگ لیکگ بوتگ اَنت کہ اود ءَ پیسر ءَ بیگواھیں مردم گمانی رنگ ءَ دیم پہ دیم ءِ نام ءَ کُشگ بوتگ اَنت۔ زوراکی ءَ بیگواہ کنگ ءُ درکانودی کوشانی بھتاماں دیر اِنت کہ بلوچستان ءَ گوں ریاستی ادارگاں ھمگرنچ اِنت۔ اے درگت ءَ مستونگ ءِ انوگیں ویل یک رندے پد ءَ سنگینیں جُست ءُ پُرسے دیم ءَ کار ایت۔