کیچ: گوستگیں شپ ءَ بلوچی زبان ءِ فلم ساز ظہور فضل ءِ لوگ ءِ سر ءَ پوج ءَ بیڑ برتگ

بلوچستان ءِ دمگ کیچ ءَ گوستگیں شپ ءِ ساھت دوازدہ ءَ بلوچی زبان ءِ تامرکار ظہور فضل ءِ لوگ ءِ سر ءَ پوج ءَ بیڑ برتگ-

اھوالانی رد ءَ کیچ تربت شاھی تمپ ءَ شپ ءِ ساھت دوازدہ ءَ پوج ءَ بیڑ برگ ءِ ھواری ءَ لوگ ءِ دراھیں مردم کمشرپ کتگ ءُ ترس ءُ پاتراپ داتگ انت ءُ ڈن ءَ اوشتارینتگ انت-

ویل ءَ دگہ دزگیریانی اھوال دیم ءَ نیتکگ انت بلے دمگ ءَ ترس ءُ بیم ءِ تالان کنگ ءِ ھاتر ءَ لوگانی سر ءَ بیڑ برگ ءِ ھواری ءَ مردماں آوار جنگ ءُ بیگواہ کنگ ءَ انت-

سیاسی تکاں پوج لس مردماں ترسینگ ءُ آوار جنیانی پژدر ءَ سکا ایرادانی دیمپان انت-

سیاسی مھلوک ءِ گوشگ انت پوج لس دست ءُ گوشیں مردمانی ھلاپ ءَ کاروائی کنگ ءَ انت بلے اود ءَ آئی ءِ بے وسی ھرکسی دیم ءَ پدر انت پوج تھنا لس دست ءُ گوشیں مردمانی دیم ءَ تیار انت-