بلوچ لبریشن آرمی ءِ جارکش جیئند بلوچ ءَ رسانکدر ءَ یک بیانے ءَ گْوشتگ: آپریشن ھیرو دوم ءِ وھد ءَ بلوچ لبریشن آرمی ءِ سرمچاراں زور گیریں پاکستانی لشکر ءِ ھپدہ جتاجتائیں میداناں دزگیر کتگ اَنت۔ چہ بنداتی پٹ ءُ پول ءَ پد اے کارندھانی تہ ءَ دہ مردم گوں بلوچ ءُ دمگی پولیس ءُ لیویز ءَ ھمگرنچی ءِ سوب ءَ بیھار دیگ ءَ پد یل کنگ بیتگ اَنت۔ اے پیسلہ زمینی راستی، بنجاھی پجار ءُ بلوچ راج ءِ نپ ءِ ھیال ءَ دارگ ءَ کنگ بیتگ۔
جارکش ءَ گشتگ کہ دگہ 7 کارندہ کہ زورگیریں پاکستانی فوج ءِ ریگولر یونٹاں گوں ہمگرنچ بوتگ انت آ بی ایل اے ءِ دست ءَ انت۔ ایشانی ھلاپ ءَ بلوچ راجی آمیدگس ءَ گپ گوشدارگ بوتگ۔ اے آمیدگس ءِ کارروائی ءِ تہ ءَ آھانی سر ءَ جنگی جرم، شھری آبادی ءِ ھلاپ ءَ کارروائی، زورانسری بیگواہ کنگ ءِ کمک ءُ بلوچ نسل کشی ءِ تہ ءَ بھر زورگ ءِ بھتام جنگ بوتگ ابت۔ آمیدگس ءِ کارروائی ءِ وھد ءَ ملزماں وتی درشان کنگ ءِ موہ دیگ بوتگ، منانک پیش کنگ بوتگ انت ءُ منگء بیان ریکارڈ کنگ بوتگ انت۔ آمید گس ءَ درستیں پڑ سرجم کنگ ءَ پد آھاناں بھتامی مجرم لیک اِتگ۔
آئی ءَ گْوشتگ بلے بلوچ لبریشن آرمی ءِ کمانڈ کونسل ءَ جنگ ءِ میان اوستمانی رھبند ءُ زندانیانی بدلی ءِ ھوالگ ءَ رواجیں رھبنداں ھیال ءَ دارگ ءَ پاکستان ءَ را ھپت روچ ءِ مھلت دیگ ءِ پیسلہ کتگ۔ اے وھد ءَ اگاں زور گیریں ریاست جنگی بندیگانی بدل کنگ ءَ سرجم ءَ وتی رزامندی ءَ پیش بہ دار ایت گڑا بلوچ جنگی بندیگانی یل کنگ ءِ بدل ءَ اے ھپتیں فوجی کارندہ بدل کنگ بوت کن انت۔
آئی ءَ دیمترا گْوشتگ کہ زانگ لوٹ اِیت کہ بلوچ لبریشن آرمی ءَ پیسر ءَ ھم زورگیریں لشکر ءَ را جنگی بندیگانی بدلی ءِ واستا جتاجتائیں وھداں پیشکش کتگ اَت بلے پاکستانی لشکر ءَ سنگینیں پیشگام ءِ بدل ءَ وتی کارندھانی جان نادلگوش کُتگ ءُ بدلی ءِ کار ءَ دیم ءَ نہ شُتگ۔
یک رندے پد ءَ اے جار ءِ درچ ءَ پدر کنگ بیت کہ ھپت دزگیریں لشکریانی یل کنگ بلوچ جنگی بندیگانی یل کنگ ءِ شرت اِنت۔ اگاں ھپتگے ءِ توک ءَ زورگیر پاکستان ءِ نیمگ ءَ ھچ وڑیں املی ءُ رسمی گامگیج نہ بوت گڑا آھاں داتگیں مرگ ءِ سزا بلوچ راجی آمیدگس ءِ پیسلہ ءِ رد ءَ امل کنگ بیت۔
گُڈسر ءَ آئی ءَ گْوشت کہ بلوچ لبریشن آرمی ءِ ھیال ءَ جنگی جاورھالانی تہ ءَ ھم رھبند ءُ وت مہ وتی زمہ واری ھست اَنت۔ نوں پیسلہ زور گیریں پاکستانی ریاست ءِ دست ءَ اِنت کہ آ وتی کارندھانی جان ءِ رکینگ ءِ ھاترا سنگینیں گامگیج چست کنت یا وتی کارندھانی مرگ ءَ وتی ھر روچ ءِ وڑ ءَ ھاموشی ءُ بے پروائی ءَ وتیگ کنگ ءَ دیم ءَ روت-