آپریشن ھیروپ ءِ سان
ٹی بی پی شونگال
سِی ءُ یک جنوری دوھزار ءُ بیست ءُ شش ءَ آپریشن ھیروپ ءِ ھترناک ءُ دراج کشیں لشکری مھم ءَ پد بلوچستان ءِ جاورھال مٹ بیتگ انت- چریشی ءَ لشکری مھم ءَ بلوچ چاگرد ءِ سر ءَ دیریگیں زرکاری ءُ سیاسی سان زورگ ءَ انت- ریاستی ادارہ سرجم ءَ گپ ءَ مچانکی سزا ءِ پالیسی ءَ املی پوشاک ءِ لیپٹگ ءِ درشان ءَ کنگ ءَ انت ھمود ءَ دومی نیمگ ءَ بلوچ راجدوستیں پارلیمانی پاٹی ریاستی پالیسیاں بلوچستان ءُ پاکستان ءِ زوراکی ریشگ ءِ ھلاسی ءِ نیمگ ءَ پیشگامی گوشگ ءَ انت-
بلوچ لبریشن آرمی ءِ مٹ بوتگیں گامگیج ءُ جنگی بودشتاں ھمود ءَ بلوچ چاگرد سانمند کتگ- ھمود ءَ ایشی ءِ سان تچک بوگ ءَ انت کہ بلوچستان ءَ میان اُستمانی کاریزکارانی منسوبگ ءُ درملکی زرکارانی لٹماری منسوبگ ءِ برجاہ بوگ ءِ سان کم بیان انت- چین پاکستان لٹماری گرزانکی ءُ چاگی ءَ کاریز ءِ منسوبگ پیش ءَ ھم بلوچ سلاہ بندین ادارگانی اُرشانی نشانگ ءَ انت ءُ نی آپریشن ھیروپ ءَ پد امریکہ، سعودی عرب ءُ دومی ڈیھ بلوچستان ءَ واپاری ءَ لرزگ ءَ انت-
بلوچستان اسمبلی ءِ مشتگیں سروزیر سرفراز بگٹی ءِ بربرانکی ءُ بے امیتی درشان تچک انت کہ آ ریاستی رٹ ءِ درشںان ءَ بازیں سالاں درشان کنگ ءَ بیتگ ، بلوچ لنریشن آرمی ءِ آپریشن ھیروپ ءَ اے درشان ءِ راستی دنیا ءِ دیم ءَ پدر کتگ ءُ بلوچستان ءَ ریاستی رٹ ءِ برجاھی ءِ سر ءَ ٹک ءُ نشان ایر کتگ انت- پاکستانی ریاست ءِ نیمگ ءَ بلوچ رھشونانی لوگاں تراکاں گوں تباہ کنگ،سوچگ ءُ آیانی پت ءُ ماتاں زورانسری آوار جنی ءِ وڑیں گامگیجاں ریاستی ادارہ وتی رٹ ءِ تاکت ءِ زور ءِ برجم کنگ ءِ یک بے سوبداریں جھدے ءَ انت-
پاکستانی ریاستی ادارھاں یک درشانے ٹاھینتگ کہ بلوچستان ءَ لھتے برانز گپتگیں ورنایاں کک آیاں ریڈیکلائزیڈ کنگ بیتگ انت- بلے آپریشن ھیروپ ءَ ھوارین فدائین ءُ جنگولاں بلوچ چاگرد ءِ جتا جتائیں پھناتاں ھمک اُمر ءِ مردم ھواری ءُ سپ بستگیں ریاستی درشان ھاک ءُ پُر کتگ ءُ دنیا ءَ اے کلوہ داتگ اے جد ءُ جھد ءِ وھد ءَ پیسلہ ریاستی پالیسیانی پسو نہ انت بلکیں راجی آجوئی ءِ رھبندانی زانشت ءِ پیسلہ انت-
آپریشن ھیروپ ءِ لشکری مھم یک جھلانکیں پدریچے اشی ءِ سان دور دور بنت ءُ بلوچ چاگرد ھمک تک ءَ ایشی ءِ سیاسی، زرکاری ءُ لبزانکی تکاں سر بیت انت- اے لشکری مھم بلوچ جنگی گوستانک ءَ یک گچین ءُ چیدگی رنگے ءَ یاداشت کنت ءُ اے دابیں جنگ بلوچستان ءِ آیوکیں باندات ءِ پیسلھاں یک شوکیں شونداتے دنت- آپریشن ھیروپ نا ایوک ءَ لشکری مھم ءِ جاڑیگ بوگ ءِ گچین گامگیجاں مٹین ایت بلکیں بلوچ راجی آجوئی ءِ جد ءُ جھد ءِ ایوکیں باندات ءِ جنگی منزل ءَ مٹینگ ءَ گچینی کرداں پیلو کنت-