بی ایل اے ءَ ”قاضی ایرو ہائیو رینجرز” ءِ رنگ ءُ نشانیانی سرپدی وتی میڈیا ھکل ءَ شنگ کتگ انت

بلوچ لبریشن آرمی (BLA) ءَ “قاضی ایرو ہائیو رینجرز” ءِ نشان (ایمبلم) ءُ آئی ءِ تہ ءَ کارمرز بوتگیں درستیں رنگانی درگت ءَ سرپدی شنگ کتگ انت ۔

ھکل میڈیا ءِ رد ءَ سرپدی دیگ ءِ مول یونٹ ءِ لیکھی بنھشت ، گل ءِ پجار ءُ پیشکاری ءِ پیش دارگ انت ۔

آئی ءِ رد ءَ بنجاھی ڈیزائن اگدہ ، شرپ ، سوبمندی ، جوانیں کرد ءِ نشانی انت ، کہ گل ءِ راہ ءُ رھبند ءُ ھیلکاری ءَ پیش دار ایت ۔ اسپیر رنگیں مھکمی ءُ پھازگی ءِ نمائندگی ءَ زاھر کنت وھدیکہ آ سرجمی ءَ اے گپ ءِ پددرائی کنت کہ زرمبشت یک لیکہ ءُ رھشونے ءِ سروکی ءَ مھکم انت ۔

اے نشان ءِ تہ ءَ استار بستار ، داد ءُ ایلیٹ ءِ ارزشت ءِ نشانی انت ۔ ھمے وڑ بانزلانی نشانی برزی تاکت ( ایرو \ایویشن ) ءُ شوربندی ءِ جارکشی ءَ کنت ، کہ نوکتریں جنگی شوربندی ءُ آپریشنل بودشت ءَ زاھر کنت ۔

اشی ءِ تہ ءَ کارمرز بوتگیں رنگانی درگت ءَ گوشگ بوتگ کہ تھار ءُ پوجی دروشمیں رنگ سلاہ بندیں پوج ءُ جنگی یونٹانی ھمگرنچی ءَ زاھر کنت وھدیکہ اے ترند ءُ نگیگیں جاوراں Adaptability ءُ یکشل ءَ اوشتانکی ءِ ھم چیدگ انت ۔

لوگو ءِ رد ءَ اے نشان ایوک ءَ پوجی یونٹ ءِ چارگ ءِ پجار نہ انت بلکیں آئی ءِ لیکھی سنچ ، گل ءِ پتر ، کرتنی شوربندی ءِ نمائندگی ءَ ھم کنت ۔