بلوچستان ءِ تیابدپی شھر گوادر ءِ ھند جیونی پانوان ءَ یک کھولے ءِ لوگ کروتکگ۔
کھول ءِ گشگ اِنت کہ گوستگیں شپ ءِ دیر ءَ مزنین مشینری آرگ بیتگ ءُ لوگ کروجگ بیتگ-
کھول ءِ گشگ ءِ رد ءَ آپریشن تاں سھب ءِ سئے بج ءِ نزیک ءَ برجاہ بوتگ ءُ لوگ سرجم ءَ ھلاس کنگ بوتگ۔ کھول ءِ گوشگ انت ھمے وھد ءَ پاکستانی لشکر مزنیں کساسے ءَ دمگ ءَ جاڑیگ بوتگ۔
کھول ءِ رد ءَ ھمے کھول ءِ مردمے طارق کلمتی گوستگیں سال ءَ پہ زور بیگواہ کنگ بوتگ ءُ رند ءَ آئی ءِ لاش دزکپتگ-
کھول ءِ گْوشگ اِنت کہ چہ ایشی ءَ پیسر ھم آیانی ھاندان ءِ دگہ مردمانی دزگیر کنگ یا بیگواہ کنگ ءِ وئیل بوتگ اَنت۔