بلوچی زبان ءِ نامداریں شائر مجید عاجز مروچی آدینگ ءِ سھب ءَ مسقط عمان ءَ دل پٹ بوگ ءَ بیران بیتگ- آئی ءِ بیرانی ءِ ھال آئی ءِ نزیکیں سنگتاں کتگ-
مجید عاجز ءِ سیادی بالیچاہ ءَ بیتگ کہ آئی ءَ بلوچی شائری ءَ وتی آشوبی دروشم ءَ شائری کتگ ءُ ورنایانی دل ءَ آئی ءَ پہ وت ءَ نام کش اتگ- آئی ءَ کمے وھد ءَ وتی پجار برجاہ داشتگ ءُ چاگردی ترامجاھاں آ بازیں کساسے ءَ گوشدارگ بیتگ-
مجید عاجز ءِ شائری پِڑ ءَ آئی ءِ سَے کتاب سستگیں اوتاگ، زدگ اُپاریں سمین ءُ گوازنگیں مانِش چھاپ ءُ شنگ بیتگ انت-
اھوالانی رد ءَ مجید عاجز گوستگیں بازیں وھداں سیاسی جاورھالانی ناگیگی ءَ درملک ءَ بیتگ – ناگتی آئی ءِ بیرانی بلوچی زبان ءُ لبزانک ءَ یک تاوانے گوشگ بوگ ءَ انت-
لبزانکی تکاں آئی ءِ بیرانی ءَ پدردی درشان کنگ ءَ انت ءُ آئی ءِ کرد ءِ ستاشانی کنگ بوگ ءَ انت-