بلوچ لبریشن آرمی ءَ وتی چینل ھکل ءَ آپریشن ھیروپ ءَ ھواریں دگہ پنچ فدائیانی اکس شنگ کتگ انت-
ھکل ءِ رد ءَ فدائیناں محسن پنام ءِ چراگ ء محمد علی جھمنند نگور پنجگور ءَ سال 2023 ءَ بی ایل اے ءَ بھر زرتگ ءُ پد ءَ 2024 ءَ مجید بریگیڈ ءَ وت ءَ بھر مندے کتگ-
ھکل ءِ رد ءَ محسن علی پنام ءِ چراگ ھما سرمچاراں ھوار بوتگ کہ آئی ءَ آپریشن ھیروپ ءِ دوئیں بھراں بھر زرتگ- آئی ءِ یکشین بندوکی ءُ املی تجربگ ءِ لیکہ بیتگ – نوشکی ءَ آئی ءِ شھیدی بی ایل اے ءِ ھما اوپار کشیں گھگیرانی لڑا بیتگ کہ آیانی پجار تھنا یک کسانیں وھدے ءَ نہ انت بلکیں سرجمیں زند انت- چراگ بلوچ ءِ جد ءُ جھد گل ءِ بنھشت ءَ مھکم کنت بلے چوشیں مردم دیم ءَ کم کاینت ءُ لڑانی توک ءَ ھوار انت-
ھکل ءَ دیمتر ءَ دومی فدائین ءِ پجار حامد بلوچ پنام ءِ واحد ء فاخر جھمنند ھوشاپ کیچ ءِ نام ءَ کتگ-
ھکل ءِ رد ءَ حامد ءَ سال 2020 ءَ بی ایل اے ءَ ھوار بوتگ ءُ سال 2022 ءَ مجید بریگیڈ ءَ ھوار بیتگ ءُ آپریشن ھیروپ ٹو ءَ نوشکی ءَ شھید بیتگ-
ھکل ءَ گوشتگ حامد ھما مردم بیتگ کہ کسے ءَ دیستگ کس ءَ نزانتگ حامد چوشیں مزنیں پیسلہ کنت- آ سکا گپ جنوکے نہ بیتگ بلے زمہ واریں مردمے بیتگ- سال دوھزار ءُ بیست ءَ بی ایل اے ءَ ھوار بوتگ ءُ پد ءَ دو سال ءَ رند مجید بریگیڈ ءِ لڑ ءَ ھوار بوتگ-
سیمی فدائین ءِ پجار صابری بنگلزئی پنام ءِ شیر زمان ء محمد حسین بنگلزئی جھمنند کلی سردے شال ءَ کتگ کہ آئی ءِ اُمر بیست ءُ نُھ سال بیتگ ءُ سال دوھزار ءُ بیست ءُ چار ءَ بی ایل اے ءَ ھوار بوتگ ءُ پد ءَ سال دوھزار ءُ بیست ءُ چار ءَ مجید بریگیڈ ءَ ھوار بوتگ ءُ آئی ءَ مستونگ ءَ آپریشن کمانڈ سمبال اتگ-
صابری بنگلزئی ھما سنگتاں شیر زمان ءِ نام ءَ زانگ کہ شال ءِ وڑیں شھراں ردومے زرتگ ءُ دمک ءُ درانی نام مٹ بنت بلے دیوالانی سر ءَ سرجمیں واب پشت کپ انت- آ ھما وابانی یک بے تواریں سنگتے بیتگ-
سال دوھزار ءُ بیست ءُ چار ءَ گل ءَ ھوار بوتگ ءُ باز کم وھد ءَ آئی ءَ وتی دراھیں مول ءُ مراد سرجم کتگ انت- کہ مھلوک ءَ سالانی سال درکار بیت انت- مستونگ ءِ میدان ءَ آپریشن کمانڈ ءَ یک کمانڈے نہ بیتگ بلکیں منسوبہ سازی ءِ یک ستک ءُ تاکتے بیتگ-
چارمی فدائین ءِ پجار عاقب بنگلزئی پنام ءِ لالا طیب ء علی شیر بنگلزئی جھمنند سمل آباد شال اُمر بیست ءُ چار سالے بیتگ کہ آئی ءَ سال 2025 ءَ بی ایل اے ءَ بھر زرتگ ءُ سال 2025 ءَ ھم مجید بریگیڈ ءِ بھر مند بوتگ ءُ مستونگ ءَ سیکنڈ آپریشن کمانڈر بیتگ-
ھکل ءِ رد ءَ عاقب بنگلزئی ھما ھمراھاں ھوار بوتگ لالا طیب ءِ نام ءَ زانگ بیتگ ءُ ھما ورنایاں ھوار بوتگ کہ پیشدارگی ءَ کم ءُ امل ءِ نزیک ءَ بوتگ-
مجید بریگیڈ ءَ ھوار بوگ ءَ پد زوت ھما مردماں شمار بیتگ کہ میدان ءَ مھکم بنت-
ھکل میڈیا ءَ پنچمی فدائین ءِ پجار نعمت اللہ گرگناڑی پنام ءِ جاوید ء میر احمد گرگناڑی ءَ کتگ کہ آ کلی پدّا مستونگ ءِ جھمنند بیتگ سال 2025 ءَ بی ایل اے ءَ ھوار بوتگ ءُ پد 2025 ءَ ھم مجید بریگیڈ ءِ بھر جوڑ بوتگ-
ھکل میڈیا ءِ رد ءَ نعمت اللہ گرگناڑی جنگ ءِ میدان ءَ بے مٹ ءُ بھادر ءُ مھکمیں سنچے ءِ چیدگ بوتگ- وھدیکہ جاور ناگیگ بیتگ انت گڑا آ یکشل ءَ مھکمیں گاماں گوں مھکم بوتگ –
ھکل میڈیا ءِ رد ءَ نعمت اللہ آپریشن ھیروپ دوم ءِ وھد ءَ مستونگ ءِ میدان ءَ جاڑیگ بوتگ اود ءَ آئی ءَ دشمن ءِ سنگر دراگان دراگان کتگ انت ءُ دشمن ءِ نپسگیر کتگ –
آئی ءَ گوشتگ فدائی نعمت اللہ مستونگ ءَ دشمن ءِ ھما ھیڈکوارٹر ءَ دور کتگ ءُ بازیں کلاکاں جنگ برجاہ داشتگ آ بنجل دشمن ءَ وتی مھکمیں بنجل سرپد بوتگ-