شال ءَ ریڈ زون ءِ کش ءُ گور ءِ بازیں گچینی شھدگ بند انت کہ ایشی ءِ سبب ءَ شھر ءِ بنجاھی دمگاں روانی سکا سانمند بیتگ ءُ شھری رؤگ ءُ آیگ ءَ مشکلاتانی آماچ انت۔
انسکمب روڈ یک نیمگے ءَ ٹریپک ءِ واستا بند کنگ بوتگ وھدے کہ بے نظیر بھٹو فلائی اوور ءِ کش ءُ گور ءِ روڈ ھم سرجم ءَ بند اَنت۔
ھمے رنگ ءَ کمشنر آفس ءَ چہ ٹی اینڈ ٹی چوک ءَ روگ ءِ شھدگ ءِ سر ءَ ٹریپک ءِ روگ ءُ آیگ ھم مھتل کنگ بوتگ انت ۔ اے بندشانی سبب ءَ جتا جتائیں راھانی سر ءَ گاڑیانی گیشی لس ھمک روچی رنگ ءَ گیش بوتگ ءُ جتا جتائیں جاھاں دراج دراج ءَ گاڑیانی اوشتانکی گندگ ءَ کیت انت۔
زانگ بہ بیت 31 جنوری ءَ بلوچ لبریشن آرمی ءَ آپریشن ھیروپ ءِ چیر دستی ءَ دگہ دمگانی پیم ءَ نوشکی دستیگ کتگ ات کہ اود ءَ آ شش روچ ءَ داں دستیگ کنگ ءَ سوبین بوتگ ات۔