لھتے روچاں پد پاکستانی لشکر گوں ٹینک ءُ بکتربندیں گاڑیاں نوشکی ءِ شھر ءَ پترتگ ءُ کرفیوے جتگے-
بلوچستان ءِ شھر نوشکی ءَ بازیں روچے بیت کہ اود ءَ کرفیو اِنت کہ اود ءَ مزنیں کچے ءَ پاکستانی لشکر دیم ءَ روگ ءَ اَنت۔ پورسز ءَ شھر ءِ درستیں دکان بند کتگ ءُ شھریاں وتی لوگاں نندگ ءِ پرمان داتگ۔
ھالانی رد ءَ ھمے وھد ءَ نوشکی ءِ دمگ قاضی آباد ءُ احمد وال ءِ دمگ ءَ پاکستانی لشکر ءَ دو لوگ گوں تراکناکین شورواں تباہ کتگ انت۔
گیشیں ھالانی رد ءَ پاکستانی لشکر ءَ بلوچ لبریشن آرمی ءِ سروک بشیر زیب بلوچ ءِ بنکی لوگ تباہ کتگ انت کہ چہ2011 ءَ قاضی آباد ءَ ھالیگیں لوگے ھم بمبانی نشانگ کنگ بیتگ۔
اے لوگ حاجی عبدالصمد ءِ بوتگ کہ 2009 ءَ کُشگ بوتگ ءُ اے لوگ ءِ مردم بازیں سالاں مزن ھور ءَ نشتگ اَنت۔
زانگ بہ بیت 31 جنوری ءَ بلوچ لبریشن آرمی ءَ دگہ دمگانی پیم ءَ آپریشن ھیروپ ءِ چیر دستی ءَ نوشکی دستیگ کتگ ات کہ اود ءَ شش روچ ءَ دستیگی برجاہ داشتگ ات۔
بی ایل اے ءَ شش روچ ءَ پد آپریشن ءِ آسر بوھگ ءِ جار جنان ءَ گْوشتگ کہ آیاں پاکستانی لشکر ءِ بازیں کیمپ ءُ آئی ایس آئی ءِ بنجاھی کارگس نشانگ جوڑ کتگ اَنت وھدے کہ شش روچی جنگ ءُ چوپ ءَ پاکستانی لشکر ءِ درزنانی کارندہ کشگ بوتگ اَنت۔