بلوچستان ءُ کراچی ءَ سَے مردم پاکستانی پوج ءَ دزگیر کنگ ءَ پد بیگواہ کتگ انت-
چہ بلوچستان ءِ دمگ جیونی ءَ سر بیتگیں ھالانی رد ءَ پاکستانی پوج ءَ دو جتا جتائیں میتگاں دو مردم آوار جنگ ءَ پد بیگواہ کتگ انت-
دمگی مردمانی رد ءَ آوار جنگ بیتگیں مردمانی پجار سراج ء عبدالغفور ءُ زید ء عبدالرحمان ءِ ناماں زانگ بیتگ انت-
دمگی مردمانی رد ءَ شش فوری دوھزار ءُ بیست ءُ شش ءَ جیونی گوتری بازار ءَ پاکستانی پوج ءَ سراج ءِ لوگ ءِ سر ءَ بیڑ برتگ ءُ آ آوار جتگ ءُ برتگ-
ھمے وڑ چار فروری ءَ کوہسر بازار ءَ زید ءِ لوگ ءَ پوج ءَ بیڑ برتگ ءُ آوار جتگ ءُ بیگواہ کتگ-
دمگی مردمانی رد ءَ ایشانی آوار جنگ ءَ پد دوینانی بارو ءَ دگہ اھوال دیم ءَ نیتکگ انت-
دومی نیمگ ءَ کراچی ءَ بلوچ آبادی دمگ لیاری ءَ پوج ءَ سَے جنوری دوھزار ءُ بیست ءُ شش ءَ یک گِسے ءَ بیڑ برتگ ءُ ولید ء عبدالمجید آوار جتگ ءُ برتگ-
بلوچ یکجھتی کمیٹی ءِ رد ءَ ولید جھمنند تغلق لین لیاری ءِ جھمنند انت ءُ آ سَے فروری ءَ رینجرز ءُ دگہ ادارھاں آوار جتگ ءُ برتگ-