بلوچستان ءِ جتاجتائیں دمگاں اُرشاں سرکاری کارگس دستیگ، 17 پوج ءِ کارندہ ءُ آیانی سلاھانی دستیگ کنگ ءِ زمہ واری بی ایل ایف ءَ منّ اِتگ اَنت

بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں پنچ فروری ءَ مشکے ءِ دمگ بُنڈکی ءَ پاکستانی پوج ءِ چوکی ءِ سر ءَ راکٹ لانچر گولہ ءُ دگہ مزنیں سلاھاں چہ اُرش کتگ- راکٹ ءِ دو گولہ چوکی ءِ سر ءَ لگ اِتگ- اُرش ءِ آسر ءَ دُژمنیں لشکر ءَ جانی ءُ مالی تاوان چست کنگ کپتگ-

جارکش ءَ گوشتگ کہ چار فروری ءِ بیگاہ ءِ سرمچاراں جھاؤ ءِ دمگ بگاڑی زیلگ ءَ زورگریں پوج ءِ سر ءَ اُرش کتگ-سرمچاراں پیسر ءَ اسنائپر رائپل ءَ چہ یک کارمندے یے نشانگ کتگ ءُ جاہ پہ جاھی مرتگ- اشی ءَ پد راکٹ ءُ دگہ مزنیں سلاھاں چہ اُرش کتگ بُنجل نشانگ کتگ- اُرش ءِ آسر ءَ پوج ءَ جانی ءُ مالی تاوان چست کنگ کپتگ- اُرش ءَ پد پروش وارتگیں لشکر ءَ لَس آبادی سر ءَ تیرگواری کتگ-

جارکش ءَ گوشتگ کہ چار فروری ءَ دگہ یک کاروائی یے سرمچاراں جھاؤ ءِ دمگ کوٹو ءَ پاکستانی پوج ءِ چوکی سر ءَ سک نزیک ءَ چہ راکٹاں، ایل ایم جی ءُ دگہ سلاھاں چہ اُرش کتگ داں دیراں تاں برجاہ بیتگ چریشی ءَ دُژمنیں لشکر ءِ بازیں کارمندے یے مرتگ ءُ ٹپی بیتگ اَنت – پد ءَ پروش وارتگیں دُژمن ءَ چار کلاکاں تاں لَس آبادیانی سر ءَ مارٹر ءِ درزنانی گولہ آس داتگ ءُ تیرگواری ھم کتگ-

جارکش ءَ گوشتگ چار پروری ءَ بی ایل ایف ءِ سرمچاراں جھاؤ ءِ بُنجاھی بازار ءَ برجاہ ملیٹری انٹیلیجنس ءِ کارگس ءِ سر ءَ مزنیں سلاھاں چہ اُرش کتگ- اے اُرش ءِ آسر ءَ ملیٹری انٹیلیجنس ءِ کارمنداں جانی ءُ مالی تاوان چست کنگ کپتگ-

جارکش ءَ گوشتگ اشی ءَ ساری سے فروری ءِ سھب ءَ سرمچاراں مند ءِ دمگ شیراز ءَ برجاہ زورگریں پاکستانی پوج ءِ یک چیک پوسٹ ءِ سر ءَ مزنیں سلاھاں چہ نشانگ کتگ – اُرش ءِ میان ءَ سرمچاراں چیک پوسٹ سر ءَ پٹ کتگیں چاروگی کیمرہ ھم نشانگ کتگ ءُ تباہ کتگ- اے کاروائی ءِ آسر ءَ زورگریں پوج ءَ جانی ءُ مالی تاوان چست کنگ کپتگ-

جارکش ءَ گوشتگ بی ایل ایف ءِ سرمچاراں دو فروری اُرش کتگ واشک شھر سرجمی ءَ انگیر ءَ کتگ- سرمچار شھر ءَ پُترتگ جتاجتائیں سرکاری ادارہ انگیر ءَ کتگ ءُ سرکاری ماڑی تاوان داتگ اَنت کہ ڈپٹی کمشنر کارگس، سپرنٹنڈنٹ آپ پولیس ءِ کارگس ءُ پاکستان ءِ نیشنل بینک ھوار بیتگ-اے میان ءَ بُنجاھی بازار سر ھم سرمچاراں سرجمی ءَ دستیگ کتگ-

جارکش ءَ گوشتگ کہ اے میان ءَ پوج ءِ دو گاڑیاں پیشگامی کنان ءَ سرمچارانی انگیر ءِ جُھد کتگ بلے سرمچاراں تُرندیں گھگیری کنان ءَ دوئیں گاڑیانی سر ءَ اُرش کتگ- اے میڑ ءِ میان ءَ سیزدہ پوجی کارندہ جاہ پہ جاھی مرتگ اَنت وھدے کہ لھتے دگہ کارندہ پُشتکنزتگ ءُ تچگ ءَ سوبمند بیتگ اَنت- اے کاروائی ءَ پد سرمچاراں مرتگیں پوجی کارندھانی سلاہ دستیگ کتگ اَنت ءُ دوئیں پوجی گاڑی مانداشتگ اَنت- اے اُرش ءَ سرمچاراں دُژمنیں پوج ءِ سر ءَ اُرش کنگ ناں تھنا بے سوب کتگ بلکیں دُژمن ءِ سر ءَ ھم پدر کتگ کہ بلوچستان ءَ گام گام سر ءَ سرمچار کھر جوڑ بیگ ءِ واستا ھر وھد ءَ ساڑی اَنت-

جارکش ءَ گوشتگ دو فروری ءَ دگہ کاروائی یے بی ایل ایف ءِ سرمچاراں آواران ءِ دمگ ماشی ءَ دُژمنیں پوج ءِ چوکی مزنیں سلاھاں چہ نشانگ کتگ چریشی ءِ آسر ءَ دُژمن جانی ءُ مالی تاوان چست کنگ کپتگ-

جارکش ءَ گوشتگ 29 جنوری ءِ شپ ءَ سرمچار گلی کارے ءِ درگت ءَ ًمند ءِ دمگ چکاپ نیمگ ءَ سپر کنگ ءَ بیتگ اَنت کہ راہ ءَ دُژمن پیادگ کارندھاں چہ دیم پہ دیم بیتگ اَنت چریشی ءِ آسر ءَ میڑ بندات بیتگ- میڑ ءِ میان ءَ سرمچاراں جوانیں وڑے ءَ کاروائی کنان ءَ دُژمن ءِ کارندہ نشانگ کتگ اَنت چریشی ءِ سوب ءَ دُژمن پُشتکنز بیتگ اَنت-

جارکش ءَ اُرش ءَ دُژمنیں پوج زمینی ٹولی تچکی ءَ ناکامی دیمپانی کنگ کپتگ چریشی ءَ سوب پوج ءَ کواڈ کاپٹراں چہ بُرزی چاروگی ءُ رندگیری ءِ جُھد کتگ بلے بلوچ سرمچار پہ سلامتی دمگ ءَ چہ دراھگ ءَ سوبمند بیتگ-

جارکش ءَ گوشتگ کہ 28 جنوری ءَ سرمچاراں بلیدہ ءِ دمگ الندور ءَ زورگریں پوج ءِ یک چوکی یے سر ءَ گرنیڈ لانچر ءَ چہ گولہ آس داتگ کہ چوکی ءَ لگ اِتگ- اے کاروائی ءِ آسر ءَ زورگریں لشکر جانی ءُ مالی تاوان چست کنگ کپتگ-

جارکش ءَ گْوشتگ بلوچستان لبریشن فرنٹ ءَ مشکے، جھاؤ، آواران، واشک، مند ءُ بلیدہ ءَ 17 کارندھانی کوش، سلاھانی دستیگ کنگ، سرکاری کارگس تاوان دیگ ءُ پوج ءِ ملٹری انٹلجنس سر ءَ اُرشانی زمہ واری ءَ منّ اِیت-