بلوچستان ریل سروس ءِ بند، نوشکی ءَ چکاس مھتل کنگ بیتگ اَنت

31 جنوری ءَ بلوچ لبریشن آرمی ءَ بلوچستان ءَ یکجاھی اُرشاں پد مروچی ششمی روچ ءَ ھم جاور ناگیگ اَنت-

گوستگیں روچ ءَ ھکومتی نیمگ ءَ فیک سروس ءِ پچ کنگ ءَ اَبید مروچی یکرندے پد ءَ سیکورٹی تُرس ءَ چہ بلوچستان ءَ چہ پاکستان ءِ آ دگہ شھرانی واستا ریل سروس پد ءَ بند کنگ بیتگ-

ریل واکدار ءِ رِد ءَ مروچی پشاور ءَ رؤکیں جعفر ایکسپریس، پشاور ءَ چہ آؤکیں جعفر ایکسپریس جیک آباد ءَ چہ واتر روت-

وھدے کہ چمن ءَ پسنجر ریل ھم ھم کیسنل کنگ ءُ شال ءَ چہ کراچی ءَ رؤکیں بولان میل 12 فروری ءَ تاں بند اِنت-

اشی ءَ اَبید مھکمہ زانت بلوچستان ءَ مروچی بندات بیؤکیں مڈل اسٹینڈرڈ چکاس کینسل کنگ ءِ جار جتگ، نوشکی ءَ جاور ناگیگی ءِ سوب ءَ مروچی جنک ءُ بچکیں نودربرانی چکاس نہ بنت-