شال : لوگاں بیڑ سد ءَ چہ گیش مردم آوار جنگ ءَ پد ناشناسیں جاھے ءَ برتگ اَنت

بلوچستان ءِ بُنجاھی شھر شال ءَ پاکستانی پوج ءِ جتاجتائیں دمگاں آپریشن ءِ میان ءَ سد ءَ چہ گیش مردم آوار جتگ ءُ ناشناسیں جاھے ءَ برتگ اَنت-

وھدے کہ صوبائی حکومت ءَ ٹاہ داتگ کہ سد شکی ئیں مردم دزگیر کتگ اَنت لوگاں چہ کسان، مزنیں سلاہ دستیگ کتگ اَنت – بلے آیاں اے میان ءَ رسانکدر ءَ ھچ وڑیں منانک نداتگ-

صوبائی حکومت ءِ رِد ءَ مروچی شپ ءَ تاں شال ءَ انٹرنیٹ ءَ پچ کن ایں- آئی ءَ اے ھم ٹاہ داتگ کہ سرجمیں بلوچستان جاور کنٹرول ءَ اِنت- بلے نوشکی ءَ ھوار بازیں دمگاں جاورھال یکشل ءَ ناگیگ ءُ ھال اھوالی نزام بند-

زانگ بہ بیت کہ 31 جنوری ءَ بلوچستان ءِ تیاب دپی شھراں شال، گوادر، پسنی، دالبندین، ھاران ءُ نوشکی ءَ ھوار بلوچستان ءِ دوازدہ جتاجتائیں شھراں یکیں وھد ءَ ھکومتی پوجی شوربندی نشانگ کنان ءَ اُرش بندات کتگ اَنت- بلوچ لبریشن آرمی ءَ سرجمیں اُرشانی زمہ واری منّ اِتگ آ آپریشن ھیروپ ءِ دومی بھر داتگ-