سلاہ بندیں مردماں بلوچستان ءِ جتاجتائیں شھدگ وت ماں وت ھمگرنچکنوکیں بُنجاھی گوں تراکناکیں شورواں تباہ کتگ اَنت-
ھالانی رِد ءَ نوشکی ءِ دمگ گلنگور ءَ پد سلاہ بندیں مردماں ھاران ءُ بسیمہ ءَ ھمگرنچ کنوکیں پُھل ساروان ءِ ھند سر ءَ شورو پٹ کتگ ءُ تراکینتگ، چریشی ءِ آسر ءَ پُھل سرجمی ءَ تباہ بیتگ-
اِھوالکار ءِ رِد ءَ نوشکی ءَ بُنجاھی شھدگ سر ءَ مزنیں کچے ءَ بلوچ آجوئی لوٹوکیں گل بی ایل اے ءِ باسک ساڑی اَنت وھدے کہ کیشنگی ءَ چہ کردگاپ ءَ تاں آر سی ڈی شھدگ سر ءَ بلوچ لبریشن آرمی ءِ کنٹرول برجاہ-
زانگ بہ بیت ھاران، نوشکی، شال ءُ بسیمہ اے دمگ ءَ ھوار اِنت کہ شمبے ءِ روچ بلوچ لبریشن آرمی ءَ آپریشن ھیروپ دومی بھرگ ءِ اُرشانی نشانگ کتگ اَنت، اود ءَ جتاجتائیں ھند سر ءَ مروچی پنچمی روچ ءِ گوزگ ءَ اَبید میڑ ءُ اُرشانی ھال اِنت-