بلوچستان : سلاہ بندیں مردماں سپرنٹنڈنٹ پولیس واشک آوار جتگ

بلوچستان ءِ یک مزنیں آپیسرے ءِ آوار جنگ ءِ ھال اِنت، جاور ناگیگ اِنت-

چہ شال ءَ سر بیتگیں ھالانی رِد ءَ سلاہ بندیں مردماں یک کاروائی ءَ سپرنٹنڈنٹ پولیس شفیق شاھوانی تُپنگ ءِ زور ءَ آوار جتگ ءُ وتی ھمراھی ءَ برتگ-

پولیس ءَ وئیل راست کتگ-

آوار جنی ءِ ھال سر بیگ ءَ پولیس ءُ دگہ سیکیورٹی ادارھاں سرچ آپریشن بندات کتگ، بلے آوار جنگ بیتگیں ایس پی پولیس یل کنگ ءَ بے سوب بیتگ اَنت-

تنی وھدے اے وئیل سوب ءُ زمہ واریں مردمانی درگت ءَ واکدار ءَ گیشیں ھال شنگ نہ کتگ-

زانگ بہ بیت کہ گوستگیں ھپتگ ءَ بلوچستان ءَ بندات بیتگیں میڑاں پد تنی وھدے بازیں مزنیں پولیس آپیسرے ءِ آوار جتگ ءُ کُشتگ اَنت، آیانی تہ ءَ ڈپٹی سپرنٹنڈنٹ پولیس ءَ ھوار یک ایس ایچ او ءِ بیرانی وھدے کہ کچھی ءَ یک پولیس انسپکٹر بازیں کارمندانی ھمراھی ءَ سلاہ بندانی دست ءَ آوار جنگ ھوار اَنت-

اشی ءَ اَبید سلاہ بندیں مردماں نوشکی ءَ کمشنر ءُ ڈپٹی کمشنر ھم دزگیر کتگ چہ شھر ءَ در کتگ، وھدے کہ بازیں کاؤنٹر ٹیررازم ڈپارنمنٹ ” سی ٹی ڈی ” ءِ کارمند ھم آوار جنگ بیتگ اَنت-

بلوچستان ءِ جتاجتائیں دمگاں جاور یکشل ءَ ناگیگ اَنت وھدے کہ نوشکی ءَ میڑانی درچ یکشل ءَ برجاہ ءَ اِنت-