بلوچ لبریشن آرمی ءِ میڈیا ھکل ءَ آپریشن ھیروپ ءِ میان ءَ نوشکیءَ بلوچ سرمچارانی لس مھلوک ءَ گوں تران ءِ تامر بند شنگ کتگ ۔ تامر ءِ تہ ءَ گندگ بیت کہ بلوچ لبریشن آرمی ءِ سرمچارانی چپ ءُ چاگرد ءَ مھلوک ءِ مچی انت وھدیکہ یک سرمچار ءِ براھوئی زبان ءَ گوں لس مھلوک ءَ تران کنگ ءَ انت ءُ مھلوک گوشدارگ انت ۔
سرمچار تران کنان ءَ گوش ایت کہ چہ بلوچ راج ءَ دزبندی انت مروچیگیں جنگ ، ھنچوش کہ شما دراہ سرپد ایت کماش بشیر زیب بلوچ ءِ نیمگ آپریشن ھیروپ دو ءِ جار جنگ بوتگ ۔ آ گوش ایت کہ ما پیش ءَ گوشتگ کہ ھیروپ دو ءَ سرجمیں راج ءَ ڈن ءَ در آیگی انت چہ راج ءَ ھمے دزبندی انت کہ وتی پھازگ ءُ رکینگ ءَ سلاہ ءَ چست بہ کنت ۔ ھمک روچ دگانی سرا ناھک ءَ مرگ ءَشرتر انت وتی زمین ءِ پھازگ ءَ اے جنگ ءِ بھرئےبہ بہ ایت ۔
آ دیمتر ءَ گوش ایت کہ اگاں کسے وت اے جنگ ءِ بھر جوڈ بوت نہ کنت گڈا آئی ءِ گور ءَ آئی ءِ گور ءَ ھر سلاہ ءُ تیر ءِ ھست آیاں بلوچ سرمچاراں بہ دئینت تانکہ اے جنگ ءَ ھمائی ءِ ھم بھر مان بہ بیت ۔ ۔ شما بلوچ ءِ بچ ئے ما سرپدیں کہ شمے گور ءَ الم سلاہ ھست اگاں دگہ ھچ کت نہ کن ئے گڈا ھمیشی ءَ کم چہ کم انچو الم بہ کن ایت ۔
سرمچار ءِ گوشگ ات کہ مروچی مات ءُ گھار دیمھونی دیگ ءَ انت وھدیکہ ما گس ءَ نشتگ ءُ بس اسٹیٹس جنگ ءَ انت ۔ اے وڈ بائد کہ مہ بیت ، مئے مھر ایوک ءَ موبائیل ءَ تاں مہ بیت بلکنہ چہ دل ءَ بہ بیت ۔ ما اے ھم زان ایں کہ ھر یکے توپک چست کت نہ کنت بلے ھر یکے ھر وڈا کہ بلوچ راج ءِ کمک ءَ کرت کنت ھما وڈا بہ کنت ، کسے مالی ، کسے جانی کسے پہ کلم ھر ھما وڈ کہ آئی ءِ وس انت ۔
آ گوش ایت کہ مئے سرا پرز انت کہ بلوچ سرڈگار ءِ پھریزگ ءِ ھاتر ءَ ھرچی کہ کت کن ایں بہ کن ایں ۔ مروچی چہ مارا ھمے جست کنگ بیت کہ مات گھار اے زان انت کہ اشی ءَ پد آیانی زند ھلاس بیت اشی ءَ ابید دیمھونی دیگ ءَ انت گڈا ما شما پرچا ھاموش ءَ نشتگ ایں ؟ ما ادا نشتگ ءُ میر سردار مارا دھوکہ دیگ ءَ انت ءُ ما ھماھانی پشت ءَ روان ایں ھالانکہ آ مدامیئےمارا بس دھوکہ دیان انت ۔
گوں لس مھلوک ءَ تران کنان ءَ سرمچار گوش ایت کہ اگاں مروچی ما اے جنگ ءَ ھوار بہ بہ ایں انشاءَ اللہ زورگیر ءَ چہ اے سرڈگار ءَ ڈن در کن ایں آئی ءِ گوشگ ات کہ پیش ءَ آئی ءِ نود ھزار سپاھی جنگ بوتئگ ءُ اگاں مروچی شما اے جنگ ءِ بھر بہ بہ ئے انشاءَ اللہ آئی ءَ سرجمی ءَ پروش دے ایں بلے شرت ھمیش ایں راج ھمراہ داری بہ کنت ۔
آئی ءَ گوشتگ کہ بس مئے پشت ءَ آیگ ءُ تامر جوڈ کنگ ءُ اسٹیٹس جنگ ءَ ھچ نہ بیت ۔ گڈسر ءَ گوش ایتئےکہ شما بلوچ ءِ بچ ئے جھد کن ایت دیم ءَ بیا ات ۔ اے جنگ مئے شمے درسانی انت اگاں شما وت اے جنگ ءِ بھر جوڈ بوت نہ کن ئے گڈا شمے گور ءَ ھرئےسلاھے ھست آیاں بیار ایت تانکہ زورگیر ءَ چہ وتی سرڈگار ءَ ڈن در بہ کن ایں بلے گیشتر جھد بہ کنے اے جنگ ءَ ھوار بہ بہ ایت ۔