بی ایل اے ءَ آپریشن ھیروپ ٹو ءَ ھواریں دگہ چار نمیرانیں ھمراھانی اکس شنگ کتگ انت

بلوچ لبریشن آرمی ءَ وتی آفیشل چینل ھکل ءَ فتح اسکواڈ ءِ چار شھیدانی اکس ءُ اھوال شنگ کتگ انت-

بی ایل اے ءِ آفیشل چینل ھکل ءِ رد ءَ ھر چاریں شھید ماں نوشکی ءَ آپریشن ھیروپ ٹو ءَ فرنٹ لائن ءَ بوتگ انت کہ آیاں جنگ دیان ءَ نمیرانی وتی نام ءَ کتگ-

شھید بیتگیں ھمراھانی پجار ھیراس بادینی، رازق نیچاری، ھزب اللہ، قادر بخش ھوار انت-

آئی ءِ رد ءَ ھیراس بادینی پنام ءِ نودان ء کامریڈ ھمید جھمنند کلی شریف خان نوشکی 2024 ءَ بلوچ لبریشن آرمی ءَ ھوار بیتگ ءُ آئی ءَ بی ایل اے ءِ فتح اسکواڈ ءَ بھر زرتگ-

آئی ءَ گوشتگ ھیراس ءِ برات شھید نودان کہ یونائیٹڈ بلوچ آرمی ءَ بندوک بیتگ ءُ 2021 ءَ بی ایل اے ءِ کمانڈر گنجل ءِ ھمراھی ءَ شھید بیتگ-

آئی ءَ گوشتگ شھید ھیراس بادینی ءَ سابت کدمی ءُ پرکاری ءِ ھواری ءَ آپریشن ھیروپ ءِ وھد ءَ فرنٹ لائن ءَ جنگ کنان ءَ شھید بیتگ-

آئی ءَ گوشتگ شھید رازق نیچاری پنام ءِ ھارون ء اھمد علی نیچاری ءِ سیادی منگچر ءَ بیتگ ءُ بلے انی شال ءَ نندوک بیتگ-

آئی ءَ گوشتگ شھید سنگت تازق نیچاری پنام ءِ ھاروان ءِ سیادی بلوچ لبریشن آرمی ءِ فتح اسکواڈ ءَ بیتگ-

آئی ءَ گوشتگ شھید ھزب اللہ نیچاری پنام ءِ مزار ء شفیع مھمد نیچاری جھمنند منگچر کلی نیچاری ءَ بیتگ –

شھید ھزب اللہ نیچاری یونیورسٹی ءَ اکاؤنٹنگ اینڈ فنانس ءِ سند دارے بیتگ- آئی ءِ مستریں برات فدائی آصف نیچاری آپریشن ھیروپ ون ءِ وھد ءَ شھید بیتگ- 2023 ءَ آئی ءَ بھر زرتگ ءُ فتح اسکواڈ ءَ ھوار بوتگ-

آئی ءَ گوشتگ شھید قادر بخش پنام ءِ نظر ء شاہ مھمد کرد جھمنند گنداب دشت مستونگ ءَ 2025 ءَ بلوچ لبریشن آرمی ءَ بھر زرتگ ءُ فتح اسکواڈ ءَ ھوار بوتگ-

بی ایل اے ھکل چینل ءِ رد ءَ اے چاریں ھمراہ ماں نوشکی ءَ آپریشن ھیروپ ٹو ءِ وھد ءَ فرنٹ لائن ءَ بوتگ انت ءُ گوں دشمن ءَ جنگ دیان ءَ نمیران بیتگ انت-