بلوچستان ءِ دمگ نوشکی ءِ ھند چہ بٹو ءَ سر بیتگیں ھالانی رِد ءَ پاکستانی پوج ءَ مھلوک ءِ سر ءَ سر ءُ دیم تیرگواری کتگ، چریشی ءِ آسر ءَ جانی تاوان ءِ ھال اِنت- دمگ مردمانی رِد ءَ پوج ءِ تیرگواری ءِ سوب ءَ مردم لوگانی تہ ءَ نندوک اَنت ءُ مردم تُرس آماچ اَنت-
زانگ بہ بیت اشی ءَ ساری ھم پاکستانی پوج ءِ تیرگواری ءَ چہ گوادر ءَ دوازدہ شھری بیران، تمپ ءَ یک مردمے وھدے کہ نوشکی ءَ ڈرون اُرش ءَ یک کسان سالی ئیں چکے ءُ بس ءِ سر ءَ تیرگواری ءَ چہ دہ مردم بیران بیتگ اَنت-
زانگ بہ بیت کہ گوستگیں چار روچ ءَ چہ نوشکی شھر ءَ تُرندیں میڑ برجاہ ءَ اِنت- ھالانی رِد ءَ شھر سر ءَ بلوچ لبریشن آرمی ءِ دستیگ اِنت، وھدے کہ پاکستانی پوج ءِ نیمگ ءَ چہ ڈرون بالگرداں چہ بازیں ھندانی سر ءَ بمبگواری کنگ بیتگ، آیانی تہ ءَ لَس آبادی نشانگ کنگ ءِ ھال ھم دیم ءَ اتکگ-