آپریشن ھیروپ فیز ٹو چارمی روچ ءَ سر بیتگ ، بازیں دمگاں کنٹرول برجاہ انت – بی ایل اے

بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کتگیں یک جارے ءِ تہ ءَ گْوشتگ کہ آپریشن ھیروف فیز ٹو چارمی روچ ءَ سر بوتگ ءُ انگت ءَ بلوچستان ءِ جتاجتائیں دمگاں سرجمیں زور ءَ گوں برجاہ اِنت۔ بلوچ لبریشن آرمی ءِ سرمچار نوشکی شھر ءَ ھوار بازیں جاھاں مھکمیں رنگے ءَ جاڑیگ انت ءُ کنٹرول انگت برجاہ اِنت۔ زمینی جاور ءِ رد ءَ زورگیریں لشکر جتا جتائیں دیماں سکیں زور، پُشت کشّی ءُ ابکھی ءِ آماچ اِنت ءُ بلوچ سرمچار جنگ ءَ دژمن ءِ جنگی دیمروئی ءَ ناکام کنگ ءَ اَنت۔

جارکش ءَ گوشت کہ بنداتی ءُ کساسی رد ءَ تاں انوگ ءَ زورگیریں پاکستانی لشکر، ایف سی، پولیس، سی ٹی ڈی ءُ لشکر ءِ چیردستی ءَ جوڑ بوتگیں ڈیتھ اسکواڈانی نزیک ءَ 280 کارندہ کشتگ اَنت۔ اے کچ ءُ کساس ھلاس نہ اَنت ءُ زمینی جاوراں چہ دژمن ءِ دیم ءَ بوتگیں تاوان ءُ مالی تاوان ءِ تہ ءَ گیشیں گمان ھست۔ دژمن ءِ تاوانانی سرجمیں ءُ گڈی ھال ایشانی جوڑ کنگ ءَ پد یک شوکیں رنگ ءُ وھدے ءَ رسانکدر ءَ شنگ کنگ بنت۔

جارکش ءَ گوشت کہ آپریشن ھیروپ ءَ اے وھد ءَ بلوچ لبریشن آرمی ءِ سی ءُ پنچ سرمچات تاں انوگ ءَ شھید بوتگ اَنت ایشانی تہ ءَ مجید برگیڈ ءِ ھژدہ فدائین، فتح اسکواڈ ءِ دہ ءُ اس ٹی او ایس یونٹ ءِ ھپت سرمچار ھوار اَنت۔ شھیدانی بابت ءَ سرجمیں ءُ گڈی ھال دیمتر ءَ شنگ کنگ بنت۔

آئی ءَ دیمترا گْوشتگ: جنگ ءِ پڑ ءَ پاکستانی لشکر ءَ گوں بلوچ سرمچاراں دو پچیں جنگاں سرجمیں شکست رس اتگ۔ وتی فوجی بے سوبی ءِ زھر ءِ پُشدر کنگ ءِ ھاترا زورگیریں پاکستانی لشکر ءَ بلوچ لس آبادی ءِ نشانگ جوڑ کنگ بندات کتگ ءُ ڈرون اُرش ءُ ھیلی کاپٹر ءِ وسیلگ ءَ شیلنگ کنگ ءَ اِنت کہ ایشی ءِ آسر ءَ بازیں بے گناھیں لس مردم بیران بوتگ اَنت۔ اے کار دژمن ءِ رستری، فوجی ءُ سیاسی درچ کاری ءِ پدریں اکسے ۔