بلوچستان ءَ انوگیں اُرش پنجابی لشکر ءِ گُڈّی ساہ ءِ کشگ ءِ نشانی اَنت۔ ڈاکٹر اللہ بلوچ

بلوچ آجوئی لوٹوکیں رھشون ءُ بلوچستان لبریشن فرنٹ ءِ سروک ڈاکٹر اللہ نزر بلوچ ءَ بلوچستان ءَ برجاھیں بی ایل اے آپریشن ھیروپ ٹو ءُ آجوئی لوٹوکیں مردمانی شھراں گھگیری ءُ ھمگرنچیں اُرشانی بابت ءَ وتی بیان ءَ گْوشتگ کہ چاپلوسی کنوکیں کاسگ چَٹ ھم آجوئی زرمبشت ءُ ناشری ءِ میان ءَ دگری ءِ زانشت نہ زان انت ءُ بلوچ راج ءِ راجدپتر ءَ بابلد انت-

اے ھیال بلوچ رھشون ءَ امریکہ ءِ صدر ڈونلڈ ٹرمپ ءِ سوشل میڈیا پلیٹ فارم ”ٹروتھ سوشل“ ءِ سر ءَ درشان کُتگ اَنت۔

آئی ءَ گْوشتگ کہ شال ءَ ”گڈی روچ ءِ جنگ“ ءِ وھد ءَ آجوئی ءِ جنگولانی سر ءَ مھر ءُ اھترام ءِ مھلوک ءِ درشان پہ ھما گلاماں چمّ ءِ کشی اِنت کہ آ مدام وتی واجھانی پشت ءَ کپتگ اَنت۔

ڈاکٹر اللہ نزر بلوچ ءَ گْوشتگ کہ من چہ پنجابی دانشور، وی لاگر ءُ مین اسٹریم میڈیا ءَ گوں دزبندی کن آں کہ اگاں آ بلوچ آجوئی لوٹوکاں ”ناشرکار“ بہ گْوش اَنت بلے بلوچ راج وتی آجوئی لوٹوکاں گوں مھر کنت۔ ھمے سوب اِنت کہ جنگ ءِ میدان ءَ ھم راج ءَ بے تُرس ءُ بیم ءَ وتی بامرداں گوادر ءَ بگر داں شال ءَ وش آتک کُت اَنت۔

آئی ءَ گْوشتگ: دومی نیمگ ءَ پنجابی لشکر ءَ گوادر ءَ چہ ھزدار ءَ چہ ھمے کھول ءِ 13 مردم کُشتگ ءُ شال ءَ ھوار بلوچ لس مردمانی سر ءَ بے رھبندیں تیرگواری کرتگ۔ نوشکی ءَ مسافر وین نشانگ جوڑ کنگ بوتگ، ایشی ءِ آسر ءَ دہ بلوچ لس مردم بیران بوتگ اَنت۔ ھمے پیم نوشکی ءَ ھم لس مھلوک ءِ سر ءَ ڈرون ءِ اُرش ءَ چہ درجناں مردم بیران بیتگ۔

ڈاکٹر اللہ نزر بلوچ ءَ گشتگ اے وئیل ریاستی زلم ءِ برزی ءِ نشانی ءُ پنجابی فوج ءِ گڈی ساھانی نشانی انت۔ بلوچستان نہ ایوک ءَ آجوئی ءِ جنگ ءَ سوبمند بوھگ ءَ اِنت بلکیں بلوچ راج ءِ دل ءُ لاپی مھر پہ وتی نیمگ ءَ کتگ انت۔