بلوچ لبریشن آرمی ءَ وتی یک دگہ فدائینے ءِ اکس ءُ ھال وتی آفیشل چینل ھکل ءَ شنگ کتگ انت۔
بلوچ لبریشن آرمی ءِ نیمگ ءَ پسنی ءَ آپریشن ھیروپ ءَ بھر زوروکیں فدائین سبزل بلوچ ءِ اھوال شنگ کتگ انت۔ گل ءَ ارش کنوک ءِ پجار سبزل بلوچ ء سول جان بلوچ ءِ نام ءَ کتگ ، پنام کوہسار، ودی بوگ ءِ سال: 1999، کور پشت، بلیدہ ءِ نندوک انت۔
گل ءِ رد ءَ سبزل بلوچ 2022 ءَ بلوچ لبریشن آرمی ءَ ھوار بوتگ ءُ 2023 ءَ مجید بریگیڈ ءِ بھر جوڑ بوتگ آئی ءَ ھر پیسلہ گوں سرجمیں سرپدی ءُ زمہ واری ءَ کتگ کہ آ پیسلہ چہ جاوراں گیشتر تجربگ ءُ دلجمی ءَ جوڑ بوتگ انت۔ گُڈسر ءَ 31 جنوری 2026 ءَ سبزل بلوچ ءَ پسنی ءَ فدائین کُتگ۔
بی ایل اے ءِ رد ءَ سبزل بلوچ ءَ وتی کسانیں زند ءِ تہ ءَ انچیں راہ گچین کتگ کہ آئی ءِ تہ ءَ ازاروکی یا شوک ناں بلکیں دائمی جزم ءِ پدراھی ءَ گندگ بیت ءُ آئی ءَ وتی سرجمیں زند پہ یک مول ءُ مرادے ءَ ندر کتگ۔
ایشی ءَ چہ پیسر بی ایل اے ءَ گوادر، نوشکی ءُ پسنی ءِ اُرشانی تہ ءَ بھر زوروکیں فداینانی اکس ءُ ھال شنگ کتگ اَنت۔
یات بہ بیت کہ بلوچ لبریشن آرمی ءَ آپریشن ھیروپ ءِ چیر دستی ءَ شال ءُ نوشکی ءَ ھوار بازیں شگر گوں مھکم ءُ ھمگرنچیں اُرشاں نشانگ جوڑ کتگ اَنت وھدے کہ نوشکی ءَ بی ایل اے ءِ باسک ءُ پاکستانی لشکر ءِ نیام ءَ انگت ءَ جنگ ءُ چوپ برجاہ اِنت۔
بنشون ءِ رد ءَ بی ایل اے ءِ باسک انگت ءَ شھر اش دستیگی اَنت ءُ پاکستانی لشکر ءِ کیمپانی سر ءَ اُرش کنگ ءَ اَنت۔