بلوچستان ءِ تیاب دپی شھر گوادر ءَ مروچی سیمی روچ ءَ شھر ویران اَنت وھدے کہ بینکاں ھوار بازیں ادارہ بند اَنت، چریشی ءِ سوب ءَ پگارداریں مردم سک دلسیاھی ءِ دیمپان اَنت – شھر ءَ پوج ءَ تُرندیں نگھاداری ءِ سوب ءَ شھریاں ھم دلسیاھی ءِ دیمپان اَنت-
زانگ بہ بیت کہ گوستگیں روچاں گوادر ءَ ھوار بلوچستان ءِ مزنیں شھراں بلوچ لبریشن آرمی ءِ نیمگ ءَ چہ آپریشن ھیروف ءِ دومی بھر بندات کتگ، کہ مروچی سیمی روچ ءَ ھم جتاجتائیں دمگاں برجاہ ءَ اِنت- اے میان ءَ جتاجتائیں پوجی شوربندی نشانگ کنگ ءِ ھال اِنت-
سیکیورٹی تُرس ءَ چہ بلوچستان ءُ پنجاب ءَ ھمگرنچ کنوکیں بُنجاھی شھدگ سخی سرور ءِ ھند سر ءَ مروچی سیمی روچ ھم بند اِنت، اود ءَ ھزرانی مساپر ءُ مال کشیں گاڑی پسّ اِتگ اَنت-
چمن شھر ءَ ھم سیکیورٹی تُرس ءِ سوب ءَ سرجمیں بے سرکاری ءُ سرکاری بینک بند کنگ بیتگ اَنت، وھدے کہ شھر ءَ پوج ءِ سُر پُرانی تہ ءَ گیشی گندگ اتکگ-
شال ءَ ھوار بلوچستان ءِ بازیں شھراں انٹرنیٹ ءُ ریل سروس ھم بند اَنت-