آپریشن ھیروپ دومی بھر: بی ایل اے ءَ دگہ دو فدائینانی اکس شنگ کتگ انت

گوستگیں سَے روچاں بلوچستان ءِ جتا جتائیں جاھاں بلوچ لبریشن آرمی ءِ نیمگ ءَ برجاھیں آپریشن ھیروپ دومی بھر ءَ ھواریں دگہ دو فدائینانی اکس شنگ کتگ انت-

گل ءَ اے ھال وتی آفیشل چینل ھکل ءَ شنگ کتگ انت –

بلوچ لبریشن آرمی ءَ نوشکی ءَ آپریشن ھیروپ ءَ ھواریں یک زالبولے ءِ اکس شنگ کتگ گیش گشان ءَ آئی ءِ پجار بیست ءُ سَے سالی ئیں فدائین عاصفہ مینگل ء محمد اسماعیل مینگل جھمنند نوشکی ءِ نام ءَ شنگ کتگ –

گل ءِ رِد ءَ عاصفہ مینگل دو اکتوبر دوھزار ءُ بیست ءُ سَے ءَ بلوچ لبریشن آرمی ءِ مجید بریگیڈ ءَ ھوار بیتگ ءُ بیتگ ءُ جنوری دوھزار ءُ بیست ءُ چار ءَ فدائین ءِ پیسلہ ءِ کتگ-

آئی ءَ گوشتگ کسان سالی ءَ عاصفہ مینگل یک ھنچیں راھے ءِ بھر بیتگ کہ جاوراں ناں بلکیں زانشت ءَ گوں ھمگرنچ بیتگ- 31 جنوری 2026 ءَ آئی ءَ نوشکی ءَ آئی ایس آئی ءِ ھیڈکوارٹر نشانگ کنان ءَ وی بی آئی ای ڈی اُرش سرجم کتگ-

ایشی ءَ ابید بی ایل اے ءَ پیرزالیں فدائینی ءِ اکس ھم شنگ کتگ –

بی ایل اے ءِ رد ءَ فدائین ھتم ناز سمالانی پنام ءِ گل بی بی ء نور محمد سمالانی کہ آئی ءِ اُمر شست سال بیتگ ءُ آ غربوک بولان ءِ جھمنند بیتگ-

بی ایل اے ءِ رد ءَ ھتم ناز سمالانی 2015 ءَ بی ایل اے ءَ ھوار بیتگ – 2016 ءَ استاد اسلم ءِ ھلاپ ءَ آپریشن ءِ وھد ءَ ٹپی بیتگ – چریشی ءَ پد پاکستانی لشکر ءَ آ آوار جتگ ءُ بیگواہ کتگ داں سَے ماہ ءَ بیگواہ بیتگ- جنوری دوھزار ءُ بیست ءُ سَے ءَ آئی ءَ فدائین ءِ پیسلہ کتگ-

آئی ءَ گوشتگ وھدیکہ زندگی نیم ءَ رس ایت گڑا مردم آرام کنت بلے اے راہ آئی ءِ چپ بیتگ آئی ءِ داستان ٹپیگ، زورانسری بیگواھی ءُ وتی پجار ءِ ھاتر ءَ بازیں وھداں مُچانکیں گھگیری ءِ بار بیتگ- اے ازم ازاروکی نہ انت بلکین راستی ءُ مھکمی ءِ منانک انت-

زانگ بہ بیت ایشی ءَ پیش بی ایل اے ءَ گوادر ءُ ہسنی ءَ اُرشاں ھواریں فدائین ھوا بلوچ ءُ کماشیں ناکو میران ءِ اکس ءُ اھوال دیم ءَ آورتگ ات انت-