نوشکی ءِ دمگ گلنگور ءَ پاکستانی لشکر ءِ کیمپ ءِ سر ءَ سلاہ بندیں مردماں اُرش کتگ ءُ بنجل دستیگ کتگ۔
بازیں کلاکاں برجاھیں بوتگیں اُرش ءَ پاکستانی لشکر ءِ مزنیں کساسے ءَ بیران بوگ ءِ ھال ھست ءُ اُرش کنوکاں کیمپ دستیگ کتگ ءُ سرجمیں سلاہ ءُ دگہ جنگی سامان برتگ اَنت۔
زانگ بہ بیت نوشکی شھر سیمی روچ اِنت کہ بلوچ لبریشن آرمی ءِ کنٹرول ءَ اِنت۔ اے اُرش بی ایل اے ءِ آپریشن ہیروپ ءِ دومی بھر ءِ چیر دستی ءَ کنگ بوتگ اَنت کہ ایشی ءِ تہ ءَ 13 شھراں ھمگرنچیں اُرش کنگ بوتگ اَنت۔