بلوچستان ءِ دمگ تھسیل دشت ءِ میتگ شولیگ ءَ مروچی سھب ءَ پاکستانی پوج ءَ لشکر کشی کنان ءَ لوگ ءُ لوگ ءَ پٹ ءُ پول کتگ – اے میان ءَ لَٹ ءُ کُٹ، زاہ ءُ بد تُرندیں سسّائی زور ءِ سوب ءَ یک مردمے ءَ اوپار کُت نہ کتگ بیران بیتگ-
دمگی اِھوالکار ءِ رِد ءَ لشکر کشی ءِ میان ءَ پوج ءَ سے مردم آوار جتگ ، پد ءَ آ یل داتگ اَنت- بلے لشکر کشی ءِ میان ءَ کونسلر چیئرمین جام خداداد ءِ سر ءَ پوج ءِ نیمگ ءَ چہ سکیں زوت ءُ تُرندیں رویشگ ء پیش اتکگ، چریشی ءِ سوب ءَ آ دل اوپار نہ بیتگ بیران بیتگ-
اِھوالکار ءِ رد ءَ گوشگ اِنت کہ پوج ءَ جام خداداد ءَ چہ تُرندیں گپ ءُ رپ ءُ بلوچ سرمچارانی درگت ءَ جست ءُ پُرس کتگ- اشی ءِ سر ءَ جام خداداد ءَ پسّہ داتگ کہ آ اد ءَ نہ اَنت- اگاں کسے ءَ گرگ لوٹ ئے یا کہ جنگ لوٹ ئے گُڑا کوھاں برو شوھاز اش کن- میتگ ءِ مردماں دلسیاہ کنگ ءَ چی رس اِیت- اے میان ءَ آ زمین ءِ سر ءَ کپتگ ءُ بیران بیتگ-
پد ءَ پوج ءَ میتگ ءِ سرجمیں لوگ پٹ ءُ پول کتگ اَنت سے مردم آوار جتگ ءُ وتی ھمراھی ءَ برتگ اَنت ءَ پد ءَ یل داتگ اَنت-
دمگی اِھوالکار ءِ رِد ءَ، جام خداداد پوج ءِ تُرندیں سسائی زور ءَ چہ اوپار نہ کتگ ءُ بیران بیتگ-