بلوچستان ءِ دمگ ڈیرہ مراد جمالی ءَ ناشناسیں سلاہ بندیں مردماں پاکستانی لشکر ءِ کاروان ءِ سر ءَ اُرش کتگ ءُ دگہ یک وئیلے ءَ تراکناکیں شوروانی تراک ءَ ٹرانسمیشن ءِ مستریں لائن تباہ کنگ بوتگ۔
دمگی مردمانی گشگ انت کہ اے اُرش گوستگیں شپ ءَ بیدار پھل ءِ نزیک ءَ بوتگ۔ ھالرسان ءِ رد ءَ یک مزنیں افسرے ءِ گاڑی کہ آئی ءِ تہ ءَ کرنل ءِ رینک ءِ افسر (ونگ کمانڈر) سوار بوتگ، کاروان ءِ بھر بوتگ۔
جانی ءُ مال ءِ تاوان ءِ ھال انگت ءَ پدر نہ بوتگ انت۔
دومی نیمگ ءَ ڈیرہ مراد جمالی ءِ دمگ میر حسن ءِ نزیک ءَ اوچ پاور پلانٹ ءَ روگ ءَ دو مستریں کمبھ ھم گوستگیں شپ ءَ ناشناسیں مردمانی نیمگ ءَ تراکناکیں شوروانی تراک ءَ تاوان بوتگ اَنت ایشی ءَ پد بجلی ءِ سپلائی بند کنگ بوتگ۔