گوادر: پولیس ءِ پوسٹ ءِ سر ءَ اُرش ءُ دستیگ، پوجی کاروان ءِ سر ءَ اُرش کنگ بوتگ

بلوچستان ءِ تیابدپی دمگ کوسٹل ھائی وے ءِ کواری ھند ءَ سلاہ بندیں مردماں پولیس ءِ پوسٹ ءِ سر ءَ اُرش کتگ ءُ اودا سلاہ دستیگ کتگ اَنت۔

دومی نیمگ ءَ کوسٹل ہائی وے ءَ چہ گوزوکیں پوجی کاروان ءِ سر ءَ ھم سنگر گپتگیں سلاہ بندیں مردماں اُرش کتگ۔ چہ بنداتی ھالانی رد ءَ اے وئیل ءَ بازیں لشکری ​​کارندہ بیران بوتگ اَنت بلے اے گپ انگت ءَ چہ واکداراں سرکاری رنگ ءَ پدر نہ بوتگ۔

دومی نیمگ ءَ بلوچستان ءِ دمگ کیچ ءِ گند دشت ءَ ھستیں سرویلنس کیمرہ ٹاور ءَ تراک ءِ سبب ءَ سک باز تاوان رس اتگ کہ ایشی ءِ آسر ءَ سرجم ءَ تباہ بوتگ۔

در سرکاری اھوالاں اے وئیل ءَ جانی تاوان نہ بیتگ –

زانگ بہ بیت بلوچستان ءَ پیسر ءَ چوشیں وئیل بوتگ اَنت کہ ایشانی زمہ واری ءَ بلوچ آجوئی دوستیں سلاھ بندیں گلاں زرتگ انت بلے انگت ءَ کس ءَ اے اُرشانی زمہ واری نہ زرتگ انت۔