بلوچ راجی آجوئی سنگر ( براس) سال 2025 ءِ میان ءَ وتی پوجی ءُ گلے پُرکاریانی سال ءِ رپورٹ شنگ کتگ، چریشی ءَ بلوچستان ءَ بیتگیں کاروائی شنگ کتگ اَنت-
راجی آجوئی سنگر ( براس) بلوچ سلاہ بندیں آجوئی لوٹوکانی گلانی ھمگرنچ یکجاہ اِنت کہ اے آجوئی لوٹوکیں گل یکجاھی دروشم ءَ کاروائی کن اَنت-
براس ءِ جارکش بلوچ ھان ءَ وتی شنگ کتگیں سالی رپورٹ ءِ رِد ءَ 2025 ءِ سال ءِ میان ءَ براس نیمگ ءَ چہ درستی 175 اُرش کتگ – اے کاروائیانی آسر ءَ 167 ءَ پاکستانی کارندہ کشتگ اَنت وھدے کہ 95 مردم ٹپی بیتگ اَنت- اے میان ءَ 26 مردم دزگیر کتگ اَنت کہ آیانی تہ ءَ پاکستانی چیریں ادارھانی کارندہ ھوار اَنت-
رپورٹ ءِ تہ ءَ گوشتگ کہ سال 2025 ءِ میان ءَ، 35 تراک کتگ ، 14 بیڑ جتگ کاروائی کتگ ، 35 انگیریں آپریشن کتگ، 15 گچینیں شوربندی نشانگ کتگ اَنت-
رپورٹ ءِ رِد ءَ 30 سرکاری ءُ پوجی گاڑی تباہ کتگ اَنت، ءُ 51 سلاہ دُژمن ءَ چہ دستیگ کتگ اَنت-
رپورٹ ءِ تہ ءَ اگست 2025 ءَ براس ءَ ھُزدار ءِ دمگ زھری ءَ یک ماھے ءَ گیش دستیگ کتگ- اے میان ءَ پاکستانی پوج ءَ سک گھگیری ءِ دیمپانی کنگ کپتگ، وھدے کہ مزنیں کچے ءَ گاڑی، سلاہ ءُ پوجی ساز ءُ سامان دستیگ کنگ ءِ ٹاہ ھم جتگ-
رپورٹ ءِ رِد ءَ اے میان ءَ جنگولاں دمگ ءَ گشت کتگ ءُ راجی مچی ءِ چہ تران ھم کتگ-