پنجگور ءِ دمگ کاٹاگری ءَ تیرگواری ءِ وئیل ءَ سے مردم بیران بیتگ اَنت وھدے کہ یکے ٹپی بیتگ انت-
پولیس ءِ رِد ءَ بیران بیتگینانی تہ ءَ زاھد محمد حسین، جاسم ء نواب جان ءُ سیف اللہ ء حیات ھوار اَنت، ھمے وڑ قدوس ء ملنگ ٹپی بیتگ-
دمگی اِھوالکار ءِ رِد ءَ بیران بیتگیں مردمانی سیادی یک سرکاری پلامرزی سلاہ بندیں ٹولی ءَ بیتگ، آیاں دمگ ءَ مردم ڈیتھ اسکواڈ گوش اَنت-
بلوچستان ءَ ڈیتھ اسکواڈ ھما سلاہ بندیں ٹولی ءِ واستا کارمرز بیت کہ آیانی سر ءَ بھتام اِنت کہ آ ریاستی ادارھانی سروکی ءَ سیاسی کارکنانی ءُ توار چست کنوکانی ھلاپ ءَ کاروائی کن اَنت-
انسانی ھکانی گل گوزستانک ءَ اے ٹولی ءِ سر ءَ درکانودی کوش، زورانسری آوار جنی ءُ تُرس تلان کنگ ءِ بھتام ھست اِنت-