روکپتی گوات ءِ سبب ءَ بلوچستان ءِ گیشتریں دمگاں ھور برجاہ انت۔ مھکمہ موسمیات ءِ رد ءَ گوستگیں 24 کلاکانی تہ ءَ بلوچستان ءِ رودراتکی، میانجی ءُ رودراتکی دمگاں ھور ءِ رپورٹ بوتگ انت۔
مھکمہ موسمیات ءَ گشتگ کہ شال ءَ گیش ءَ چہ گیش ھور 29 ملی میٹر بوتگ، چمن ءَ 27، پشین 18، تربت 14، پنجگور 8 ءُ خضدار ءَ 7 ملی میٹر ھور بوتگ۔
ھمے رنگ ءَ لسبیلہ ءَ 6 ملی میٹر ، پسنی ءَ 4 ملی میٹر ، لورالائی ءُ ژوب ءَ 3 ملی میٹر ، کلات ءُ زیارت ءَ 2 ملی میٹر ، دالبندین ءُ بارکھان ءَ یک یک ءَ ملی میٹر ءِ ھور ءِ اھوال رس اتگ انت ۔
دومی نیمگ ءَ زیارت، کان مھترزئی، چمن ءُ شال ءِ کش ءُ گور ءِ کوھی دمگاں ھور ءِ ھمراھی ءَ برہ گواری ھم گندگ بوتگ کہ ایشی ءِ سبب ءَ سارتی ءِ زور گیش بوتگ۔
مھکمہ موسمیات ءِ رد ءَ اے سلسلہ ءِ ھور ءُ برپگواری آیوکیں 24 کلاکاں برجاہ بوھگ ءِ گمان اِنت۔